韓國燒酒揀代言人標準
韓國燒酒喺揀代言人方面都有落一番苦功！盤點5位韓國燒酒代言人嘅大勢明星！
Hello，大家好，我哋係由韓國人每日提供最新韓國旅行資訊嘅Creatrip。
一旦做咗酒類品牌嘅代言人，一定會成為喺韓國最引人注目嘅明星。透明嘅燒酒望落去都會俾人有一種清純乾淨嘅感覺，所以韓國嘅燒酒品牌都會搵一啲形象俾人感覺係清純嘅女明星去做代言人。小編今日就盤點咗五個俾人有乾淨嘅感覺同埋充滿健康味嘅燒酒代言人，一齊嚟睇吓都有邊個啦！
韓國燒酒揀代言人標準
1. IU《 真露》
今年3月，韓國牌子HITE相關人士表示佢哋認為IU同真露品牌一直追求嘅乾淨形象好夾，解釋咗再次用IU做代言人嘅原因。
IU由2014年至2018年一直都係真露嘅代言人，係當時史上活動時間最長嘅代言人。
時隔兩年幾，佢再次俾真露委任做品牌代言人。
IU同其他性感形象嘅燒酒廣告代言人唔同，佢用舒服同埋親切嘅形象獲得咗好多人嘅喜愛。
2. 李娜恩《好天好飲》
女團April嘅成員李娜恩喺舊年被揀咗做好天好飲嘅代言人。
品牌方面解釋話佢哋覺得李娜恩清涼同清純嘅形象，係能夠突出開拓16.9度柔和燒酒市場嘅代言人，解釋咗揀娜恩做代言人嘅原因。
品牌方面以李娜恩嘅代言人選定做起點，正式展開埋其他幾種品牌嘅營銷活動。
3. 秀智《 初飲初樂》
一直都係「國民初戀」嘅秀智，喺2016年俾韓國樂天集團旗下嘅燒酒品牌《初飲初樂》，揀咗做有史以嚟最後生嘅代言人。
當時樂天集團方面表示秀智溫柔幹練嘅形象同初飲初樂好襯，解釋咗點解會揀佢做代言人。
秀智被揀做代言人之後，第一次播出嘅廣告喺網上面創下咗200萬次以上嘅點擊率，證明咗佢嘅高人氣。
4. 辛叡恩 《藍夜》
濟州燒酒藍夜喺舊年，揀咗將演員辛叡恩做專屬嘅廣告Model。
《藍夜》同之前唔同，今次通過喺年輕一代比較熟悉嘅演員辛叡恩去捉住20至30歲顧客嘅心。
形象清純乾淨嘅辛叡恩作為燒酒代言人都獲得咗「天作之合」嘅好評。
5. MAMAMOO 《大鮮燒酒》
MAMAMOO喺2018年開始就以大鮮燒酒嘅代言人進行活動。
大鮮燒酒揀MAMAMOO代言人，廣告嘅成效非常之明顯。
廣告嘅片只係公開左一日就突破咗16萬點擊率，就連佢哋嘅海報、月曆呢啲周邊產品上市之後都好好賣。
平時以健康形象示人嘅MAMAMOO同品牌所希望嘅形象好夾，對呢個品牌價值嘅提升有好大嘅幫助。
代言人對於品牌真係一個好重要嘅存在，以上五個代言人又有冇一個係大家鍾意㗎呢？
另外，唔知大家又有冇飲過以上五款燒酒呢？
部份品牌喺香港都可以買得到㗎！
有興趣都可以買返屋企自己自製一下韓國好出名嘅「燒啤」。
不過記住未滿十八歲嘅話唔好飲酒啊！
✨馬上Follow我哋IG
instagram.com/creatrip.hk
| 其他延伸閱讀 | |
 10種飲燒酒方法 |  韓國飲酒文化 |
