Creatrip: 聽講韓國人最有藝術細胞？

Hello，大家好，我哋係由韓國人話你知每日最新韓國資訊嘅Creatrip。

#韓國文化 #韓國工房
#韓國手藝 #韓國

唔知大家放假嘅時候鍾意做啲咩呢？

可能唔少人都選擇係屋企瞓覺，或者出去睇風景，或者同朋友行街睇戲食飯等等。

不過，韓國人放假嘅時候最鍾意嘅就係佢唔同嘅工房做一啲手藝嘢，等小編同大家介紹一下韓國人最鍾意啲咩手藝啦！

聽講韓國人最有藝術細胞？

1. 番梘

韓國DIY 番梘

大家可能會以為番梘就係普通一舊放喺廁所用嘅？而家嘅番梘唔係咁簡單架啦！

而家嘅番梘有好多唔同嘅種類，好多韓國人都會開工房教大家整唔同嘅design嘅肥皂！

特別係聖誕節就快到，唔少工房都開始創作緊聖誕節主題留梘，所以而家只要一到週末，大家都會去留舊。

2. 蠟燭

唔知大家心目中嘅蠟燭係咩樣嘅呢？

會唔會係只係得生日蛋糕嗰啲蠟燭嘅樣係大家嘅腦入面？

不過，其實而家韓國係有好多唔同花樣嘅蠟燭，而韓國亦都推出咗唔同嘅專業韓國蠟燭資格證嘅牌照可以考，所以而家都有好多導師去教大家整造型蠟燭。

呢啲造型蠟燭好精緻，細緻到連生果上面嘅紋理都可以整到出嚟，所以唔少人喺放假嘅時候，都會同另一半或者朋友一齊去整呢啲造型蠟燭。

3. 香水

大家鍾意嘅香味都唔一樣，所以好多時市面上嘅香水都未必適合每一個人，所以而家好多韓國人都開唔同嘅香水工作坊畀大家可以嚟調香，去整出屬於自己嘅味道。

唔講唔知，韓國亦都有唔少男仔會去整香水，送一份特別啲嘅禮物畀女朋友。

其實整香水都有好多樂趣，因為你可以自己選擇香水嘅前調、中調同埋後調，所以都吸引唔少人放假去放鬆一下！

4. 畫畫

大家可能覺得畫畫喺屋企畫都得，但其實唔少韓國人都會喺放假嘅時候出去畫廊畫畫。

一嚟可以享受到真正畫畫嘅樂趣，二嚟係如果大家唔識畫畫嘅話，呢度都有好多數字畫可以畀大家填顏色。

雖然佢係數字畫，但因為佢嘅佈置係好似畫廊咁，可以畀大家過返一日藝術家嘅生活，所以有好多人都會選擇放假嘅時候嚟畫畫！

5. 燈牌

唔知大家對整燈牌有咩認知呢？

會唔會係覺得只係為明星應援嘅時候先要用到燈牌呢？

其實好多韓國人都會去整一個屬於自己嘅燈牌去裝飾屋企，佢哋會將相應嘅燈牌掛喺佢哋屋企嘅特色牆上邊做裝飾。

整嘅時候，大家首先可以畫咗你想整嘅圖案或者字喺紙上面先，然後再圍啲電線上去，聽落簡單，其實都幾考功夫。

大家想挑戰下嘅話，之後嚟韓國都可以試下同朋友一齊去整，真係幾唔錯！

唔知大家有冇做過以上嘅活動呢？

如果冇都唔緊要，以上幾項當中，番梘、蠟燭同埋香水香港都有得整㗎！大家未嚟到韓國都可以喺香港book住先啊！

其他延伸閱讀
韓國本地品牌香水	女韓星香水推介

聽講韓國人最有藝術細胞？