Hello，大家好，我哋係由韓國人每日提供最新韓國資訊嘅Creatrip。
講到韓食，唔知大家會諗起咩，五花肉、泡菜湯定係全州拌飯？雖然韓國有好多好嘢食，但其實韓國人都有啲嘢係接受唔到，覺得好難食嘅！等小編同大家講下韓國人最接受唔到食咩啦！
韓國人討厭嘅食物
1. 生蠔
生蠔係一種好有營養，好多人鍾意嘅食物。不過韓國人就覺得佢嘅口感太滑身，加上有一陣味，所以完全唔鍾意。有啲韓國人就係因為細個食生蠔嘅時候有個好似肚痛、嘔吐等等唔好嘅經歷，所以佢哋大個咗就唔敢再食！
2. 斑鰩
斑鰩其實係好多國家都有，不過鍾意食嘅人真係少之有少。因為斑鰩嘅味好濃，好似氨氣味，所以唔係人人都頂得順！韓國人有曾經試過將呢種魚畀貓食，連貓都有啲抗拒同唔鍾意。不過亦有人話因為會連埋泡菜一齊食，佢哋覺得泡菜嘅味蓋過咗嗰陣魚腥味，所以就冇咩問題。
3. 蠶蛹
唔知大家喺韓國街頭有冇見過賣蠶蛹嘅舖頭呢？其實蠶蛹係一種好有豐富蛋白質嘅食物，但係其實唔係個個韓國人好鍾意食，因為佢哋一見到就會諗起幼蟲。佢哋會覺得睇落好唔討好同埋好嘔心，所以好多人都唔會食。
當然亦有啲韓國人由細個開始已經食，所以而家大咗食都唔會抗拒。
大部分韓國人都唔食牛肝，就算食嘅人都只會係喺飲酒嘅時候食。啲韓國人覺得牛肝嘅外表唔討好，佢哋會覺得好唔乾淨同唔衛生，所以都唔敢食。
5. 山蔘
唔少韓國人都唔係好食山蔘，不過會食嘅韓國人都會用佢嚟煲湯。好多人唔食嘅原因係因為佢哋食完好容易唔舒服，同埋覺得個口感唔好，所以都盡量避開唔食！
6. 雞腳
香港人對鳳爪一定唔陌生，雖然有好多韓國餐廳都有雞腳，不過其實韓國人係唔會點去食。（除非係好食得辣）佢哋覺得食一隻動物嘅腳感覺好奇怪，覺得隻腳會抓住佢哋咁！韓國人當中，主要都係男仔比較接受唔到雞腳！
以上呢六樣就係連韓國人自己都接受唔到嘅韓國美食，唔知大家有冇試過呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
