韓劇《青春紀錄》創最高紀錄
朴寶劍入伍前最後嘅作品結局，今個禮拜有咩新劇追？
티빙
Hello，大家好，我哋係由韓國人話你知每日最新韓國資訊嘅Creatrip。
＃韓劇＃青春紀錄＃tvN
＃朴寶劍＃朴素談＃邊佑錫
最近大家有無煲緊邊套韓劇？小編就啱啱追完朴寶劍入伍前嘅最後一套作品《青春紀錄》。
呢套電視劇喺韓國嘅收視率都相當唔錯㗎，等我哋一齊睇下佢嘅收視紀錄啦。
✨馬上Follow我哋IG
instagram.com/creatrip.hk
韓劇《青春紀錄》創最高紀錄
에뉴리
根據觀眾人數調查公司Nielsen Korea喺10月28日嘅報導，喺前一日（10月27日）《青春紀錄》播出嘅最後一集，全國范圍內平均有8.7％嘅收視紀錄，最高嘅記錄係9.9％（非地面付費家庭）， 亦都係呢套劇自身最好嘅成績。
而首爾圈嘅收視，平均係10.7％，最高係12.1％。
미주중앙일보
喺最後一集，同安正河（朴素談飾演）分手後加入軍隊嘅史彗峻（朴寶劍實驗）再同正河團聚，同時喺離開軍隊後繼續佢演員嘅夢想。
作為朴寶劍入伍之前嘅最後一部作品，《青春紀錄》由公佈演員陣容開始已經引起咗大眾嘅關注，喺9月7日以6％嘅收視率首播。
YTN
呢套電視劇並唔係單純講述男女之間嘅愛情，仲對青年人嘅成長記錄表示咗廣泛嘅同情。
佢哋努力咁實現自己嘅夢想同愛情，而且對於現實嘅限制唔感到失望。
充滿青春氣息嘅情節，導演安吉鎬好準確咁捕捉到演員嘅情感，編劇河明熙嘅劇本有溫暖嘅部分同時刻劃咗現實嘅寫照，總總嘅因素令呢套劇增加咗觀眾之間嘅共鳴。
喺呢套劇，家庭同周圍嘅人以各種方式關注青年成長嘅劇情，都增加咗戲劇嘅沉浸感，同埋受到觀眾嘅好評。
조선일보
喺tvN嘅目標觀眾2049（20-49歲）入面，一直到結局，都係包含無線電視頻道在內的同時段收視第一。
而透過Netflix，《青春紀錄》仲可以喺190幾個國家收睇，甚至喺播出嘅第一個禮拜已經喺Netflix嘅國內排名入面排名第一，第二個禮拜仲上升到世界排名前十位，引起咗廣泛嘅關注。
중앙일보
喺同一日結局嘅KBS2TV《喪屍偵探》收視率係2.6%。
《喪屍偵探》嘅結局入面繼續描寫永遠都唔會放棄成為人嘅喪屍金武英（崔振赫）同仍然積極咁擔任調查夥伴嘅孔善智（朴柱炫），加入咗人類同喪屍共享情感同埋生活嘅「共存生活」，傳達愉快而溫暖嘅氛圍，同一般韓國喪屍劇集嘅劇情好唔同。
라디오코리아
呢套劇突出嘅地方就係崔振赫喺劇入面搞笑嘅演技，同埋好特別哋描寫喪屍點樣努力好似人類咁生活。
編劇金順玉嘅《Penthouse》喺SBS啱啱播出咗2集，收視都分別突破咗10%。
而綜藝《燃燒的青春》因為《Penthouse》分開3部播放而喺10月27日停播咗，全國收視最高有10.1%。
上面就同大家分享咗《青春紀錄》同《喪屍偵探》嘅結局，仲有熱門新劇《Penthouse》嘅收視，大家啱啱睇完《青春紀錄》嘅話可以考慮追《Penthouse》啊！
✨馬上Follow我哋IG
instagram.com/creatrip.hk
| 其他延伸閱讀 | |
 韓國喪屍電影 |  韓國鬼屋介紹 |
