Hello，大家好，我哋係由韓國人話你知每日最新韓國資訊嘅Creatrip。
#GoldMiss #韓國女性
#韓國結婚 #婚姻文化
喺而家嘅社會，特別係喺亞洲，女性係職場上面嘅地位都好高。
對比起以前，而家有好多女性都會選擇唔結婚，嚮往自己想追求嘅生活。
而喺韓國都唔例外，近年喺韓國女性結婚嘅比率都越嚟越低。
今日就等小編同大家講吓呢一個趨勢同埋原因啦！
✨馬上Follow我哋IG
instagram.com/creatrip.hk
點解韓國女性會唔結婚？
首先同大家介紹一下一個韓國嘅流行語「Gold Miss」。
Gold Miss嘅意思即係解未婚嘅30至40歲女性。
呢一個詞語並唔係貶義詞，喺韓國人嘅角度，Gold Miss都係一班比較積極同埋擁有自己夢想嘅女性。
Gold Miss嘅意思同來源
一開始嘅時候韓國人都唔會叫呢班未結婚嘅女性做「Gold Miss」，而會叫做「Old Miss」。
所以一開始呢個詞語都帶有唔好嘅意思，即係話30幾歲嘅女性仲未結婚就已經過咗適婚年齡。
以前嘅人都覺得結婚係人生嘅高峰，有啲人更加為咗有好嘅經濟而結婚。
不過隨住時代嘅唔同，人嘅思想都會有改變。
所以而家佢哋都會換咗做「Gold Miss」去形容呢一班女性。
同時呢一個詞語嘅意思都改變咗：即係話，呢班女性係可以自食其力，佢哋選擇咗將人生嘅價值放喺第一位，結婚並唔係首選。
Gold Miss嘅特點
「Gold Miss」都係一班有高學歷同埋穩定工作嘅女性。
而佢哋都係嚟自唔同嘅行業，例如醫生、設計師、企業家、律師等等。
呢班女性平時嘅約會都會係一啲高級嘅餐廳或者會所。
點解佢哋會唔想結婚呢？
因為韓國嘅經濟發展得好快，所以年青嘅女性都會接受更加多嘅教育。
特別係有學士同碩士學位嘅人越嚟越多，佢哋具備嘅才能同埋佢哋嘅職業都可以令到佢哋自給自足。
同時，亦都因為韓國傳統嘅文化嘅改變。
喺以前嘅韓國，女性係應該結婚然後留喺屋企做家務、煮飯同埋照顧家庭等等，而且仲有機會要面對婆媳糾紛。
不過而家嘅社會，女性可以擁有自由嘅人生同埋選擇自己更好嘅生活。
好多韓國女性都表示，因為冇結婚，所以就唔使擔心放工之後仲有照顧屋企，咁就可以更加努力工作，令到佢哋係職場上面更加成功。
Gold Miss成為咗社會嘅目標對象？
因為呢一班女性會好着重自己嘅生活上面嘅質素，所以佢哋都會加入好多唔同嘅SPA、美容院、健身會所等等。
有好多品牌同公司就睇準呢一點，將佢哋視為目標客群，開始為佢哋專門開發更加多嘅產品。
喺韓國，呢個文化都開始廣泛咁被接受，唔會再好似以前咁樣覺得女性一定要結婚，然後照顧屋企。
小編覺得而家嘅社會男女平等，每個人都有權利去選擇自己想過啲乜嘢生活，決定自己嘅人生。
唔知大家又有啲乜嘢睇法呢？
✨馬上Follow我哋IG
instagram.com/creatrip.hk
| 其他延伸閱讀 | |
 韓國黑人女歌手出道 |  2020秋季女性穿搭 |