Hello，大家好，我哋係由韓國人每日提供最新韓國旅行資訊嘅Creatrip。
唔少女仔都好鍾意化韓妝，好多鍾意韓妝嘅女仔都成日會鑽研點樣先可以化到同韓星一樣嘅妝容，大家知唔知道點樣先可以最容易掌握化韓妝嘅技巧呢？小編同大家分享幾個秘訣啦！
6個新手必知嘅化妝小貼士
1. 用風筒+睫毛夾打造眼妝
有一個好簡單嘅方法係可以令到你嘅眼睫毛更加灣同埋更加長，就好似平時會用直髮夾去夾頭髮一樣，其實眼睫毛都係可以用到同一個原理。不過，眼睫毛夾係比較複雜同埋難用，所以用眼睫毛夾嘅時候真係要好小心。
大家可以試吓用風筒吹熱咗個睫毛夾，然後再好似平時咁樣去夾眼睫毛，因為加咗熱嘅關係就會令到眼睫毛嘅弧度更加彎同埋比較容易固定。
2. 利用木棒
除咗以上嘅方法去整眼睫毛之外，用木棒都係第二種方法。首先你可以用咗眼睫毛夾同埋睫毛膏去整眼睫毛先，然後就拎一支木棒用打火機加熱，再放上你嘅眼睫毛都捲一捲，咁嘅話眼睫毛就會向上翹㗎啦！不過大家用嘅時候記得一定要小心！
3. 利用礦物粉
冬天天氣好凍，係唔係成日都唔想洗頭呢？不過唔洗頭嘅話又成日出油咁就係大問題啦！其實只要好好利用礦物粉嘅話，將佢查喺出油嘅地方，呢啲礦物粉就可以將頭髮上面嘅油全部吸乾，咁就隔幾日洗頭都冇問題！
4. 用Toner敷面
只要準備一支爽膚水同埋化妝棉，喺化妝前將toner倒落去一啲化妝棉上面然後濕敷！
最好就係揀有保濕功能同埋比較溫和嘅爽膚水，大概敷上塊面等10分鐘，咁就可以做好慳錢保濕，令妝容更貼服！
5. 用棉花棒搽cream
大家通常搽cream係點樣搽嘅呢？相信好多人都係會用手直接搽。
不過，其實咁樣係唔係太衛生，如果大家都想衛生一啲，防止污糟野痴咗喺塊面上面嘅話，就可以用棉花棒搽cream。
6. 噴定型噴霧喺化妝海綿上面
唔少人喺化妝嘅時候，都會覺得好多化妝品都唔夠持久度，特別係而家成日戴口罩，會好容易出現甩妝嘅問題。如果大家想妝容嘅持久度高啲嘅話，可以先將定型噴霧噴喺將會用嚟上粉底嘅化妝海綿上面，咁樣上粉底嘅話會令到成個妝嘅持久度高啲！
唔知以上小Tips，又幫唔幫到大家呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk