韓國懶人料理 - 麻油
韓國人鍾意食麻油程度有幾瘋狂？簡單韓國懶人料理，喺香港都整得到！
Hello，大家好，我哋係由韓國人話你知每日最新資訊嘅Creatrip。
唔知大家發唔發覺，好多時韓國人料理嘅時候都會落麻油呢？一來落咗會更香，二來口感真係會再高一層次。而家因為疫情嚟唔到，但又想食韓國嘢？今次小編想介紹幾款大家喺香港都做到嘅簡單料理！準備嘅材料都好簡單，麻油係必需，有興趣嘅朋友就要繼續睇落去啦！
韓國懶人料理 - 麻油
1. 韓式手抓飯
好玩又好食、方便又易整嘅韓式手抓飯，喺小編心目中絕對你懶人料理入面嘅代表食譜！
需要材料超級簡單：
白飯1碗（最好用珍珠米）、紫菜碎 適量、蟹籽 適量、鹽 適量、麻油 適量
做法都係好簡單：
1. 先將米煮成熟飯（懶人提示：可以用即叮嘅飯取代，米都唔洗煮）
2. 將飯𢳂喺一個大碗到，之後喺面加啲紫菜醉同蟹籽（記得要提前解凍）
3. 最後加少少鹽同麻油，然後用手撈勻，再搓成一粒粒咁就得
2. 韓式炒粉絲
無論當係主食定係伴菜都一樣得，每次小編去餐廳食飯，只要見到伴菜有炒粉絲，都一定會refill幾次。
需要材料：
粉絲、牛肉 、冬菇片、蛋絲、菠菜、紅蘿蔔絲、麻油 適量、韓國醬油 適量、糖、鹽 少量
做法：
1. 先煮熟粉絲，煮嘅期間可以醃定牛肉同炒。
2. 其他材料都可以用慢火炒（蛋可以最後先炒，炒完要切絲）
3. 所有材料準備好哂之後，就一齊炒加少少麻油、醬油同糖鹽去調味就完成㗎啦。
3. 紫菜包飯
當早餐、午餐、或晚餐亦都得，食一條就已經可以好飽。
需要材料：白飯、紫菜、蛋、蟹柳、黃蘿蔔、紅蘿蔔、波菜或青瓜、麻油 適量
做法：
1. 先將米煮成熟飯（煮飯嘅時候，可以落少少麻油）（懶人提示：可以用即叮嘅飯取代，米都唔洗煮）
2. 等緊飯熟嘅期間，先將紅蘿蔔炒熟、蛋要煎到卷狀（其他唔洗煮都得）
3. 所有材料準備好哂之後，就用紫菜去包，包完之後喺面搽多層麻油，切開嘅時候唔會咁易散。
4. 吞拿魚辣醬紫菜麻油飯 （自創）
呢個係韓國同事話俾小編聽，好多韓國人都鍾意咁食，因為唔需要特別去煮，5分鐘都唔洗就食得。
需要材料：白飯1碗、吞拿魚罐頭、紫菜碎、麻油 適量
做法：
1. 先煮飯（懶人提示：可以用即叮嘅飯取代，米都唔洗煮）
2. 煎定隻蛋（煎到半熟係最好）
3. 預備紫菜碎，冇嘅都可以用一包包紫菜再去剪碎
4. 將吞拿魚多如嘅水隔
5. 用個碗將飯擺喺底，喺面加蛋、紫菜碎、吞拿魚，再喺上面淋少少麻油
6. 最後將郵有材料撈勻就食得
仲有另一個食法，就係再用紫菜包嚟食，呢個食法一樣係超好味！
5. 燒肉油鹽醬
平時大家去燒肉店，大家記唔記得有時有啲鋪頭都會有畀呢個油鹽醬呢？呢個醬做法同準備材料都超簡單，同名一樣只需要麻油同鹽就得。
인스티즈
做法：
1. 1湯匙麻油 ＋ 1／2 湯匙鹽，再幾將佢哋撈勻就得
不過要提提大家，呢一個醬只需用於食豬同牛嘅時候用，如果用喺雞或鴨相對會冇咁夾同好食。
以上5個簡單麻油料理，唔洗30分鐘就可以食到，大家不妨都試吓整啦！最後如果唔知邊度有韓式麻油買，大家都可以搵我哋代購㗎！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
