最令人譁然嘅韓系妝容
史上最強嘅韓妝係點樣？帶大家一齊睇下呢幾位韓星嘅華麗妝容！網民睇到都話 「太靚啦！」
Hello，大家好，我哋係由韓國人話你知每日最新韓國資訊嘅Creatrip。
＃韓國明星 ＃KPOP
＃韓國女團 ＃韓國妝容
韓妝絕對係俘虜唔少港女嘅心，特別係一啲韓國明星化嘅妝容，佢哋嘅妝靚到好似可以有無瑕嘅肌膚一樣！
不過其實近年嘅韓妝一直都喺度轉變緊，唔知大家知唔知道近排興咩妝容，咩妝容令一眾韓國網民譁然嘅呢？
小編就帶大家一齊睇下啦！
✨馬上Follow我哋IG
instagram.com/creatrip.hk
最令人譁然嘅韓系妝容
1. 化妝化埋對耳？
2020年嘅韓系妝容唔止係面上面嘅妝容，近排仲流行化耳妝！
小編都係第一次見耳妝呢樣嘢，真係覺得幾神奇！
Jenny House嘅化妝師有提過，只要喺耳上面用光影筆畫一畫，再貼一啲閃令令嘅小碎片上對耳到，就可以令耳仔更加有光澤感同埋更加突出。
雖然聽落好似好容易，但實在要化呢個妝容並唔簡單。
2. 醉客妝容
另外呢一個妝容最近喺韓國都好Hit！
佢亦被稱為扮飲醉酒嘅妝容，呢個妝容最特別嘅地方就係突出眼妝同埋胭脂嘅位置，大熱女團Blackpink嘅成員都有化過呢個妝！
Cr. The Kraze
雖然呢個妝容叫醉客妝容，但都好好睇㗎！
只要將妝容嘅重點放返喺眼部，帶番對誇張少少嘅colour con，其實每個人都可以駕馭呢個妝！
3. Wet Look
話就話濕滑嘅妝，但其實並唔係真係濕嘅，其實只係突顯面上面嘅光澤感，令到人望上去好似好光滑咁樣嘅感覺。
唔少韓星除咗化呢個妝之後，都會配合埋髮型，去做出一個wet look嘅style。
有興趣嘅朋友都可以試一試，但記得喺打造呢個look落髮蠟嘅時候唔好落得太over，如果唔係好多人真係會以為你洗完頭冇吹頭出街啊！哈哈哈
4. 加小點綴
最近好多韓星喺完成妝容之前都會喺面上面加一啲小點綴。
例如係喺眼、眉毛或者鼻附近用眼線筆加一粒墨，令個妝睇落區更加精緻同有個人魅力。
如果你都化厭咗簡單嘅妝容，想可以試一啲比較突出啲嘅妝嘅話，都不妨可以參考一下以上嘅元素，相信你一定會變得更有魅力！
✨馬上Follow我哋IG
instagram.com/creatrip.hk
| 其他延伸閱讀 | |
 化妝師推薦化妝品 |  秋冬季流行髮色 |
