韓國生活節奏有幾快？

Hello，大家好，我哋係由韓國人每日提供最新韓國旅行資訊嘅Creatrip。

近呢20年，韓國人生活嘅步伐越嚟越快，社會都為咗經濟因素將所有野嘅速度加快，而家不論係食飯、工作、定係平日出去買嘢呢啲日常生活細節，韓國人都要求「唔洗急，最緊要快！」絕對係盡顯韓國「빨리빨리」文化！

韓國「빨리 빨리」文化

Jtbc

隨住科技同埋經濟迅速發展，而家韓國人嘅生活模式都大大咁改變，近呢幾年就建立咗呢個「빨리빨리」（快啲快啲）咁樣嘅改變。

一齊睇下韓國人嘅步伐有幾快啦！

1. 行路好快

visit Korea

第一個最顯眼嘅事就係行路行得好快，唔知大家以前嚟韓國玩嘅時候覺唔覺得呢？一般嘅韓國人步伐都好快，特別係返工放工嘅話仲會特別快！喺去韓國之前，我哋香港人都已經心諗：「香港嘅步伐點都係最快啦！」但去過韓國先知道原來香港嘅速度都唔算最快，因為佢哋行嘅速度會慢慢咁越嚟越快！

2. 高速上網

你以為韓國人只係行路行得快？其實唔只係行路速度，網速都非常之快，而最快嘅速度都去到5G㗎！除咗屋企Wi-Fi快之外，為咗俾啲人可以喺街都可以告訴上網，所以公共Wi-Fi都好快。

3. 特快外賣服務

KBS2

講到速度，韓國嘅配送文化速度真係超級快！無論係online shopping 定係叫外賣都好快到手，平時上網買嘢今日落單，聽日就到，叫外賣通常都係半個鐘至45分鐘就熱辣辣咁送到你屋企門口，真係非常方便！

4. 韓國人唔鍾意等

MBC

韓國人都算係冇咩耐性，特別係工作嘅時候，唔少韓國人都唔鍾意聽到「等陣幫你搞...俾幾日時間我」呢啲字眼，佢哋咩都想你即刻幫佢哋完成，所以都真係極大壓力。如果大家有機會嚟韓國嘅職場做嘢，就一定要小心呢啲情況啦！

Kids Donga

大家睇完以上呢四種韓國嘅「빨리 빨리」文化覺得點呢？小編一開始都以為香港嘅步伐已經好快，點知原來韓國仲快，真係嚇咗一嚇啊！

如果有更多想知嘅內容，都可以隨時留言或者dm話俾我哋知：）

Instagram：creatrip.hk

Facebook：Creatrip 帶你認識韓國每一面

韓國代購