韓國面試最常問嘅問題
韓國面試最常問嘅10條問題，到底點答先係最好？有咩係可以提前準備？
Hello，大家好，我哋係由韓國人話你知每日提供最新韓國旅行資訊嘅Creatrip。
唔知大家有冇諗過喺韓國打工呢？早前小編睇到一篇新聞係講，韓國人喺面試嘅時候，最鍾意問以下10個問題？當中大家又有冇被問過？如果被問到又點可以點答？喺香港係唔係都會一樣有呢啲問題呢？
韓國面試最常問嘅問題
1. 點解會想入嚟我哋公司做？
MBC
相信唔一定係韓國，好多國家或地區只要係面試，面試官都一定會問「點解想in我哋公司？」、「你嘅志願動機又係咩？」等等。雖然呢個問題係好簡單，不過如果冇好好準備嘅話，就會令人覺得好畏縮，唔知會唔會答錯。
其實好多時面試官問呢個問題，比起答只講公司嘅好處，更加係想睇你有冇工作經驗或者能力。
2. 你嘅優點係咩呢？
MBC
呢個問題，小編喺大學面試嘅時候都被問過。喺面試之前，大家可以先整理一下自己5個優點。不過大家要注意嘅「優點」唔係自己諗，而係你身邊嘅朋友或者屋企人點睇，因為咁先可以係客觀，而且可信度都會高啲。
3. 你嘅缺點係咩呢？
딜바다닷컴
問完優點，有時可能會問埋缺點，甚至可能有啲地方只係會問缺點而唔問優點，所以大家都要提前準備。雖然「缺點」呢個字聽落去可能會覺得係負面，不過如果由另一個角度睇，可能可以成為優點。
就好似如果朋友成日話自己「點解做嘢咁急？」咁可以睇得出自己性格，如果有約定就一定唔會遲到。一來大家可以講出自己少少缺點？同時亦係一個優點。
4. 你有冇任何技術或idea可以應用到我哋公司？
국민일보
呢個問題其實就係想知你對工作嘅關心同熱情。雖然每個人都可以有不足，不過大家都要盡全力去面對。大家有任何IDEA，都一定要表現出嚟，俾面試官覺得你對呢份工係充滿熱情，同時可以好快適應到公司。
5. 你希望喺公司可以得到啲咩？
민종의소리
最好係坦白講，因為呢個問題對於你同僱主都好緊要。你會希望可以喺公司得到咩嘅同時，僱主都會喺你身上諗有咩可以幫到佢。
6. 你覺得你5年後係做緊咩？
오마이뉴스
如果冇準備，可能真係會覺得點答都係模稜兩可，咁倒不如誠實咁答。大家可以盡量喺考官面前表現得積極同熱情。
7. 講下你以前嘅工作經驗？
MBC
呢個問題可以話係一個加分題，因為真係好重要！大家可以講下以往經驗，同時要講你具有嘅溝通能力、適應能力、共鳴能力、同理解能力等等。你有嘅實力，好多時就係呢個時候發揮！
8. 你前公司嘅同事覺得你係一個點嘅人？
올산누리
大家對於呢個問題，最好方法都係誠實去答。大家可以講以前team work嘅時候，可能係一個負責做帶領嘅人，甚至可能只係一個成員，不過就有好多idea等等。雖然唔需要講太多個，不過呢啲時候最好係講最好，同時亦係令人印象深刻嘅係最好。
9. 你係點管理壓力、同時又點面對失敗？
아주경제
無論係做運動、聽歌、短暫休息都好，抑或大家會重新排定先後次序，大家都可以盡情講。因為考官或者未來嘅同事都要知道，如果你將來有壓力，佢哋可以點應對。
10. 你希望年薪有幾多？
이투데이
如果大家係有豐富經驗，或者係有實力，當然大家都可以果斷要求。不過，如果係未有太多經驗，最好都唔好講太高。
以上10個問題係好多時面試嘅時候都會被問到，唔知大家又有冇俾人問過呢？大家又有冇心目嘅最佳答案？歡迎大家留言話俾小編聽。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
