韓國OPPA最浪漫？
每個人都渴望同oppa拍拖！究竟韓國男仔係咪真係咁浪漫？
Hello，大家好，我哋係由韓國人話你知每日最新韓國資訊嘅Creatrip。
＃韓國oppa ＃韓國文化
＃韓國男仔 ＃浪漫主義
唔少Fans睇韓劇嘅時候都會覺得韓劇裡面嘅oppa好吸引，唔單止對女朋友細心體貼，仲好識比驚喜另一半，所以成日幻想自己可以同oppa拍拖就好！
其實韓國男仔係唔係真係咁浪漫呢？佢哋究竟有幾識冧女仔？一齊睇下以下呢幾點啦！
✨馬上Follow我哋IG
instagram.com/creatrip.hk
韓國男仔有幾浪漫？
1. 會隆重慶祝情人節
Puma Korea
唔知有另一半嘅大家係會點樣過情人節嘅呢？
可能有部分嘅人都會覺得呢日冇咩特別，只會平平淡淡咁同另一半過就算，但其實對韓國男仔嚟講係超級重要㗎！
喺情人節前幾日，韓國男仔已經會親手整定蛋糕，買曬花咁為呢一日預早準備，為求可以令另一半覺得幸福！真係好Sweet啊！
2. 記得特別嘅紀念日
韓國男仔好注重紀念日，特別係100日、200日、300日或者係一齊咗一年呢啲紀念日。
但其實好多人都覺得究竟100日200日呢啲有咩咁特別呢？
有問過啲韓國人，佢哋話韓國人其實好容易一齊，都好容易分手，佢哋覺得可以一齊到100日就係一個好值得紀念嘅日子。
因為另一半同自己走過咗一段日子，所以都會買有紀念性嘅禮物比女朋友。
3. 情侶裝
唔少韓國男仔都會想同女朋友一齊著情侶裝、戴情侶手錶同情侶手機殼。
唔少亞洲國家嘅男仔都可能會抗拒情侶裝，但韓國男仔係好鍾意㗎！
大家又鍾唔鍾意同你嘅另一半著情侶裝呢？
4. 撒嬌
你以為撒嬌只係女人嘅專利？
其實有唔少韓國男仔都好鍾意對自己女朋友撒嬌，佢哋會係同女朋友講電話或者見到女朋友嘅時候用一把好溫柔嘅聲嚟同佢哋講野！
點先？大家係咪好想識到呢啲會撒嬌嘅oppa呢？XD
5. 注重衣著打扮
衣著好影響一個人對你嘅觀感，你有冇諗過如果喺一個落緊雪嘅天氣，如果你男朋友打扮得好好睇咁樣企喺你公司樓下接你放工你會點呢？係咪好浪漫先？
唔好講平日，特別喺約會嘅時候打扮得好睇唔單止尊重場合，仲可以喺女朋友面前眼前一亮。
6. 放閃
好多韓國情侶都好鍾意喺街頭放閃，唔少韓國oppa都會喺街到主動kiss女朋友，就算喺地鐵都會主動攬住對方。
可能好多人覺得係公眾地方好多人，但韓國oppa係唔會在意呢啲㗎，佢哋最想女朋友感受到佢嘅愛。
7. 經常講「我愛你」
唔少人都會覺得「我愛你」呢三隻字就係象徵住愛，但其實普遍男仔唔係咁輕易講「我愛你」㗎，但韓國男仔就好常講，因為想女朋友知道佢哋嘅心意。
睇完以上呢幾點，大家係咪都好想識返個韓國oppa呢？
✨馬上Follow我哋IG
instagram.com/creatrip.hk
| 其他延伸閱讀 | |
 韓國婚禮文化 |  韓國人理想型 |
