韓國迷你投影器
韓國人居家抗疫做啲咩？望著個天花板睇戲？有咗佢！喺屋企都彷如置身喺戲院一樣！
Hello，大家好，我哋係由韓國人話你知每日最新韓國資訊嘅Creatrip。
#迷你投影機 #便攜投影機
#家庭影院 #居家抗疫
相信有留意開韓劇或者韓國綜藝嘅大家都知道韓國人好鍾意去露營。
而佢哋喺露營嘅時候都會帶一部好方便嘅迷你投影機，但係露營嘅期間都可以一齊睇戲。
而家疫情嘅關係，除咗喺露營嘅時候呢部機可以大派用場之外，佢哋仲將佢轉型變咗喺屋企用添！
✨馬上Follow我哋IG
instagram.com/creatrip.hk
韓國迷你投影器
而家疫情嚴重，大家都多咗時間留係屋企。唔知大家喺屋企嘅時候又會做啲咩呢？
相信好多人而家都會選擇係屋企睇YouTube或者Netflix，但係你哋又覺唔覺得係屋企用電視睇戲，個螢幕都仲係唔夠大，冇咗戲院嗰種震撼感呢？
加上而家疫情嘅關係，去戲院睇戲都會比較危險，咁小編今日就想話比大家知，點樣係屋企都可以有戲院睇戲嘅感覺！
睇戲唔一定去戲院
韓國人佢哋好鍾意週末、放假嘅時候，同屋企人、朋友或者情侶去露營，遠離繁囂之餘又可以感受下大自然。
喺露營嘅時候佢哋大部份人都會自備一部迷你嘅投影機，咁就可以喺露營嘅時候一齊睇戲，冇咁悶啦！
另外，而家疫情嘅關係，除咗少咗去戲院之外，就連露營都少咗。
有見及此，唔少韓國人都將呢個迷你投影機帶入屋企，喺屋企抗疫嘅時候都可以擁有戲院嘅感覺，用一個大大嘅畫面去睇戲。而且只要擁有呢部迷你投影機，屋企地方唔使好大都可以擁有一個「超大」嘅螢幕。
蝸居空間細都唔使怕！
如果屋企有位嘅話，當然最好就係買一個螢幕啦！
不過唔少人屋企地方都唔算好大，係一個小蝸居裏面根本容納唔到呢一個螢幕，但其實只要屋企有一面夠大嘅牆就可以㗎啦！
只要將投影機嘅畫面射向牆上面，呢一幅牆就即刻搖身一變，變咗一個家用嘅大嘅螢幕。唔單止可以慳位，仲可以慳錢，真係夠晒方便，所以即使係一個人住嘅小蝸居，唔少韓國人都會係睇屋嘅時候要求有一面大牆，方便佢哋用嚟睇戲。
天花板都可以做螢幕？
不過如果屋企入面冇一幅啱心水嘅牆都唔緊要，其實天花板一樣都可以㗎！將部投影機稍為調校一下角度，令到畫面可以投射上去天花板，咁樣就可以瞓喺度望住天花板睇戲。
一個咁細嘅投影機竟然可以有咁大嘅作用！花一啲小心思，將屋企變成一個屬於自己嘅私人影院，真係一個好唔錯嘅選擇。
唔知大家睇完小編嘅介紹又有冇心郁郁想買返部迷你投影機放喺屋企呢？
✨馬上Follow我哋IG
instagram.com/creatrip.hk
| 其他延伸閱讀 | |
 韓式裝修房間 |  韓國搬屋文化 |
