10種飲燒酒嘅方法
CHEERS! 10種飲燒酒嘅方法你又知幾多種？一齊約三五知己飲酒啦！
Hello，大家好，我哋係由韓國人每日提供最新韓國旅行資訊嘅Creatrip。
大家都應該知道韓國人最鍾意嘅就係飲酒，所以去每一間韓國餐廳食飯都一定會有得叫燒酒！不過其實飲燒酒都有好多種方法㗎，同大家一齊睇下有邊十種飲法啦！
同燒酒最夾嘅燒肉😋
10種飲燒酒嘅方法
1. 燒啤
最多人鍾意嘅飲法就係啤酒溝燒酒，呢個飲法比起普通就咁飲啤酒或者燒酒更容易醉，只要將適量嘅燒酒同啤酒加入去杯入面就可以啦！
2. 忌廉鮮奶 + 燒酒
롯데공식블로그忌廉溝鮮奶其實就係有氣嘅牛奶飲品，酸酸甜甜嘅味，同燒酒溝埋一齊飲簡直perfect！將燒酒同埋忌廉溝鮮奶按1:1嘅比例倒入去玻璃杯，然後攪拌就飲得
3. 濟州Ringleju
呢隻酒係布冧味，呢支酒之所以叫呢個名係因為同水滴嘅形狀好似，加入燒酒一齊飲嘅話真係好快就醉，大家可以先飲一兩啖燒酒，然後再直接飲呢隻濟州Ringleju，呢種飲法更甜更容易入口。
4. 士多啤梨雪條 + 燒酒
鍾意食雪條同飲酒嘅朋友，絕對唔可以錯過呢個士多啤梨雪條溝燒酒嘅飲法，飲法好簡單，只要將成條雪條放入一杯燒酒，再加少少cider就搞掂！
5. 蘇打水 + 燒酒
蘇打水同埋燒酒嘅味都好襯，如果你係嫌燒酒嘅味太濃嘅話，蘇打水就可以遮咗少少燒酒味，兩隻味中和起上嚟就剛剛好！先預備一隻裝滿冰嘅杯，然後倒半支燒酒，加入檸檬汁同埋蘇打水，鍾意酸啲嘅人可以用青檸取代檸檬都可以！
6. 清酒 + 燒酒 + 可樂
燒酒加入清酒飲係會比較帶得出酒嘅苦味，但如果你唔鍾意咁苦嘅話都可以再加一啲可樂，將清酒放入燒酒杯，然後放三分一可樂，三分一燒酒，然後再放三分一清酒，咁樣飲會有放鬆，解開束縛嘅感覺！
7. 紅醋燒酒
將紅醋同燒酒溝埋一齊嘅顏色真係好靚，唔單止賣相唔唔錯，飲落仲帶有甜味添！因為唔係太重酒味嘅關係，唔少女仔都會揀呢款嚟飲！
8. 蜜瓜燒酒
蜜瓜味雪糕同埋燒酒嘅結合唔單止清新，仲有甜味添，首先將一啲冰加入酒杯，然後倒半杯燒酒，半杯cider，溝埋一齊之後酒將成條蜜瓜雪條放入去杯就入面，如果鍾意好重蜜瓜味嘅朋友不妨可以等成條雪條溶咗先飲。
9. 咖啡酒
如果你係一個鍾意飲咖啡同埋酒嘅人，咁就絕對唔可以錯過美式咖啡配燒酒呢個組合，只要放啲冰落一隻玻璃杯，然後1:1咁加入美式咖啡同燒酒再攪拌就ok架啦！
10.熊仔糖燒酒
呢種飲法唔單止可以飲到清爽嘅燒酒，仲可以有嘢食下，糖嘅甜味都可以令燒酒減少苦味，唔太鍾意酒精味嘅朋友可以試下！只要將軟糖放入燒酒杯，加入燒酒就即刻飲得！
以上同大家介紹咗10款飲燒酒嘅方法，唔知大家最鍾意邊款呢？
同燒酒最夾嘅燒肉😋
如果有更多想知嘅內容，都可以隨時留言或者dm話俾我哋知：）
Mail：help@creatrip.com
