國民雙胞胎曾可能有妹妹
國民雙胞胎瑞焉瑞浚曾可能有「妹妹」？原來雙胞胎曾經可能有得做哥哥？到底係點嘅一回事？
Hello，大家好，我哋係由韓國人話你知每日最新資訊嘅Creatrip。
#超人回來了 #國民雙胞胎
#瑞焉瑞浚 #李輝宰
韓國超人氣育兒綜藝節目《超人回來了》捧紅過唔少得意可愛嘅小朋友！
其中稱得上係元組級嘅雙胞胎李瑞焉同李瑞浚唔經唔覺已經下車接近兩年。
原來雙胞胎曾經有機會做哥哥㗎，到底係點嘅一回事？等小編話比大家知啦！
✨馬上Follow我哋IG
instagram.com/creatrip.hk
國民雙胞胎
인사이트
喺2013年首播嘅育兒綜藝節目《超人回來了》唔經唔覺已經播咗七年，當中亦都捧紅過唔少得意可愛嘅小朋友！
其中元組級嘅雙胞胎李瑞焉同李瑞浚由2013年仲係手抱BB嘅時候一直陪住大家接近五年時間，喺2018年嘅時候下車退出節目，相信大家當時都好唔捨得！
매일경제
雖然雙胞胎下車已經接近兩年時間，不過唔少觀眾都仲係好好奇佢哋嘅近況。
眨吓眼，雙胞胎已經成為左小學生，媽媽文貞媛亦都會成日更新Instagram同埋YouTube，等大家可以一齊見證着兩個小朋友嘅成長。
아시아경제
到底點解雙胞胎有機會做哥哥？
依家已經七歲嘅雙胞胎比起喺節目當時大個咗唔少！
爸爸李輝宰由當時係節目《超人回來了》嘅時候已經成日公開表示話想要多一個女，但直到依家都未見到佢哋有好消息傳出。
不過早前李輝宰喺節目《妻子的味道》上面首度公開左原來太太曾經流產嘅驚人消息！
Newsnack
李輝宰同太太文貞媛係2010年嘅時候結婚，三年之後生咗一對可愛嘅雙胞胎，亦係同一年加入咗新嘅綜藝節目《超人回來了》。
雙胞胎兩兄弟同爸爸李輝宰因為可愛日常生活好快就心得觀眾嘅喜愛，大家亦都非常之期待雙胞胎家庭會再帶嚟好消息。
톱스타뉴스
可惜咁多年過去佢哋嘅做人大計似乎都唔成功，直到李輝宰喺節目《妻子的味道》入面首次公開原來喺雙胞胎出世一年之後，太太曾經成功再次懷孕。
好可惜係冇幾耐之後就流產，因為兩個人都冇心理準備所以當時受咗好大打擊，非常之傷心。
JTBC뉴스
直到依家大家先知道原來雙胞胎曾經可能會一齊成為哥哥，大家都覺得非常之驚訝同埋心痛。
不過依家透過媽媽文貞媛嘅Instagram同YouTube可以間唔中見到雙胞胎嘅成長過程，見證住佢哋可以健康活潑咁樣成長都係一個好大嘅安慰！
✨馬上Follow我哋IG
instagram.com/creatrip.hk
| 其他延伸閱讀 | |
 新西遊記8開拍 |  kakao新角色 |
