Hello，大家好，我哋係由韓國人話你知每日最新韓國資訊嘅Creatrip。
#韓國塔羅文化 #算命
#迷信 #塔羅占卜
唔知大家之前嚟韓國旅行嘅時候，有冇留意到喺街上有好多塔羅占卜嘅舖頭呢？
小編喺韓國住左一段時間之後，發現原來韓國人都好鍾意去算命同占卜。
✨馬上Follow我哋IG
instagram.com/creatrip.hk
韓國塔羅文化
唔知大家平時睇韓劇或者韓國綜藝嘅時候有冇留意到，裡面有好多情節都會關於算命塔羅嘅呢？
原來韓國人都好相信算命同塔羅㗎！
喺韓國唔同嘅地方都唔難見到呢啲算命塔羅嘅舖頭。
有時甚至喺百貨公司或者樂天世界呢類主題樂園入面都會有塔羅嘅攤位。
大家嚟韓國旅行必定會去嘅明洞同弘大，街上面已經有好多唔同嘅塔羅占卜舖頭或者攤擋。
唔少舖頭都會喺門口寫明曾經有出名嘅電視台嚟採訪過，或者有大勢明星去幫襯過。
如果有一個指定嘅問題想問，可以選擇玩塔羅，但如果你想知道你一生嘅運程嘅話可以揀算命！
韓國人點解會鍾意算命塔羅？
絕大多數都係因為佢哋對自己嘅未來抱有好奇心，想知道自己嘅命運係點樣。
另外，好多韓國人都係自己一個住，佢哋可以傾訴嘅屋企人或者朋友都唔喺身邊。
所以當有煩惱或者要做選擇嘅時候，就會去算命塔羅聽下意見。
相信大家都知道香港廟街有好多呢一類型嘅攤檔，唔知大家又有冇試過去體驗呢？
大家又對呢一方面有冇興趣呢？歡迎大家留言討論下～
✨馬上Follow我哋IG
instagram.com/creatrip.hk
| 其他延伸閱讀 | |
 韓國傳統玩意 |  韓國人搭飛機特點 |