外國人嚟韓國會遇到嘅健康問題
外國人嚟韓國通常會遇到咩健康問題？ 可以點克服？一齊睇睇呢四個方法！
Hello，大家好，我哋係由韓國人每日提供最新韓國旅行資訊嘅Creatrip。
如果大家認為韓國係一個好乾淨嘅國家就冇衛生或者健康問題，咁你就錯啦！好多人嚟咗韓國都會發現身體上出現呢啲變化！大家一齊睇下有邊幾種問題，同埋點樣克服啦！
外國人嚟韓國會遇到嘅健康問題
1. 脫髮
唔少人喺韓國都話好多時會出現脫髮問題，特別係女仔周不時都會甩好多頭髮，如果係秋天嘅時候會甩得更多！遇到呢啲問題嘅時候可以點解決呢？
遇到經常甩頭髮嘅時候，建議大家可以避免唔好染咁多頭髮，洗頭嘅時候唔好咁大力，亦可以轉用一啲個抓比較闊嘅梳。用呢類型嘅梳梳頭嘅話，頭髮即使係濕嘅情況底下梳都唔會咁易斷。呢把梳喺olive young都有得買。
第二個方法係可以用防脫髮洗頭水，唔單止可以防脫髮之外，仲可以等頭髮補充多啲膠原蛋白，用完之後再配合護髮素一齊用就唔驚啦！
除咗外部影響之外，都可以補充返多啲維生素B，通常都係食完晚飯或者瞓教前每日食一粒，瞓教嘅時候就可以有效吸收！另外都要注意飲多啲水！如果係有藥物敏感或者孕婦記得喺食呢啲supplement之前要問下醫生啊。
2. 便祕
唔少人嚟到韓國都話會出現便祕同埋消化不良嘅問題，其實最大原因都係同韓國飲食有關，好多韓國人都鍾意出街食飯，每一餐主要都係啲重口味嘅嘢，肉多菜少，所以就成日消化唔到！
其實好建議大家遇到呢啲問題嘅時候都要食多啲菜，食少啲辣嘢！如果可以自己煮嘅話都可以食多啲黃瓜，沙律，Yogurt等等！
3. 手出現甩皮問題
可能因為韓國嘅天氣比較乾，所以唔少人都話可能會出先甩皮情況，對於呢個問題，大家可以搽多啲hand cream去保濕。如果都仲係敏感得好犀利嘅話，建議大家要去睇皮膚科醫生啊！
4. 眼乾
唔少韓國人嘅工時都好長，佢哋成日長期對住電腦螢幕都會導致有眼乾問題，建議大家唔好成日捽眼，可以買一啲眼藥水或者人造淚水去舒緩眼乾嘅問題。
仲有大家可以食多啲番薯、紅蘿蔔、西蘭花、甜辣椒等含有豐富維生素A嘅食物！
以上呢四個問題就係好多外國人嚟到韓國經常遇到嘅問題！唔知大家有冇遇過呢？如果有嘅都不妨可以參考下以上呢幾個解決方法啊！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
