韓國人對感冒5個錯誤認知
偏方醫病！韓國人感冒嘅時候會點做？燒酒溝辣椒粉感冒就會好？
황요산
a year ago
Hello，大家好，我哋係由韓國人提供每日最新韓國旅行資訊嘅Creatrip。
相信大家都會試過用一啲流傳嘅偏方去醫感冒，你又聽過邊幾種可以令感冒快啲好返嘅偏方？韓國坊間都有好多對感冒嘅錯誤認知，一齊睇下有邊啲啦！
韓國人對感冒5個錯誤認知
1. 只有係凍嘅時候先會感冒
實際上感冒同埋天氣凍係冇直接嘅關係㗎！其實溫度太低，反而係唔適合病毒生存，感冒嘅人反而會比較少。不過隨住天氣變動，大家喺室內嘅活動增加多咗，呢種唔容易通風嘅環境之下，就會更加容易比病毒傳染。
2. 燒酒溝辣椒粉，感冒就會好？
喺韓國有種民間療法係感冒嘅時候飲一杯燒酒，再加入辣椒粉，飲咗落去就會好返。實際上少量嘅酒精係會令到心跳加快，促進咗血液循環，令身體感到輕鬆。不過呢種效果其實都係暫時性，而且每個人嘅症狀都唔同，所以有足夠嘅休息同埋營養攝取先至係最重要！
3. 「流感」係更加嚴重嘅感冒嘅縮寫？
大家都知道流感係有好勁傳染性嘅「感冒」，但係感冒同流感係完全唔同嘅病嚟㗎！因為佢哋嘅發病原因唔同，流感係由流感病毒而引起，但係感冒就係有200幾種唔同嘅病毒引起！
4. 打咗流感預防針就唔會再感冒
就算接中咗流感疫苗，都係成日聽到有人會感冒，正如啱啱睇到，感冒同流感嘅病因唔同！打咗流感嘅預防針係唔會預防到其他普通感冒嘅病毒㗎！
5. 只要打針感冒就會好
有啲韓國人話感冒就一定要去醫院打針，但事實上打一針就想醫好感冒係冇可能。因為喺醫院開嘅處方只能夠緩解到感冒症狀，冇可能打一針就完全清除病毒。
結論係如果真係唔小心有感冒嘅話，一定要乖乖地食藥睇醫生，同埋飲多啲水，休息多啲！唔好盲目咁相信一啲冇根據嘅偏方啊！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
熱門文章
