Hello，大家好，我哋係由韓國人話你知每日最新資訊嘅Creatrip。
#洗手間 #韓國文化
#理解唔到？#點解會咁？
到底韓國人去洗手間會做啲咩？同香港有咩唔同？
如果第一次見到，會好唔明佢哋點解會咁做？
✨馬上Follow我哋IG
instagram.com/creatrip.hk
韓國人喺洗手間會做嘅事
1. 刷牙
小編其實第一次見到嘅時候，真係覺得幾震撼。
如果大家話喺香港見到女廁要排隊多數都係等去廁所，但喺韓國，大家會見到韓國人係等排隊去刷牙。
只要一放完Lunch，好多職員就會喺廁所到刷牙。
大家可能都唔會喺公眾場所刷牙，可能都只會食香口膠清口氣。
不過對於韓國人嚟講，口腔健康好緊要，一日至少會刷3次牙。
2. 化妝
刷完牙之後，韓國人仲會好鍾意喺廁所補妝。
因為佢哋覺得喺office補妝會唔自然同尷尬，所以會覺得廁所係一個補妝嘅好地方。
3. 傾電話
依家手機不離身嘅時代，小編都會好明白去廁所鍾意撳電話。
不過，如果係喺廁所講電話......小編可能真係未必會理解到。
韓國人之會去廁所耐，好多時係因為傾緊電話，佢哋會驚喺office講要睇用事同老闆面色。
4. 講是非
嗯.....可能唔止韓國，其他國家或地區可能都會覺得，講是非廁所係一個好地方。
不過......大家都要小心隔牆有耳啊！
5. 食煙
喺以前唔少韓國人都鍾意偷偷哋喺廁所食煙，因為覺得好方便，不過因為唔係個個人都接受到。
所以依家已經好多廁所都會貼上 「禁止吸煙」標誌，依家要食煙，韓國人都會去吸煙室或者大樓出面。
6. 沖涼
Yonhapnews其實呢類型嘅廁所係政府專為露宿者而設，因為嗰度有提供免費水同番梘。
7. 訓教
Yonhapnews可能大家都未必會估到，韓國唔少露宿者除咗會訓街、地鐵站之外，佢哋仲會揀喺廁所訓。
以上係韓國人會喺廁所做嘅事，大家又會唔會同小編一樣，有啲事都會唔理解呢？
歡迎大家留言話畀小編聽。
| 其他延伸閱讀 | |
 韓國洗手間文化2 |  韓國洗手間文化1 |