logo

韓國洗手間文化(2)

韓國洗手間小知識!韓國人同香港人去廁所都有咁大分別?到底有啲咩呢?

황요산
a year ago

Hello,大家好,我哋係由韓國人每日提供最新韓國旅行資訊嘅Creatrip


洗手間係人每日都會用到嘅地方,但大家又知唔知韓國同香港嘅文化有咩唔同呢?想知有啲咩,就等小編帶大家去睇下啦!



韓國洗手間文化

1. 沖涼毛巾


喺香港,大家可能沖完涼都會習慣用一條大毛巾抹身,有時可能會用2日左右先會換過另一條。不過喺韓國,佢哋會覺得咁樣唔衛生,佢哋會一日用一條。

將卷好嘅毛巾放喺廁所,每次都拎一條咁用。同時,好多韓國人會將毛巾同衫分開洗,所以每次洗衫都會洗好耐。



2. 智能馬桶


韓國比較新型啲嘅屋企,好多時都會有智能馬桶。佢哋好鍾意💩完,都會用佢嚟洗pat pat。所以之前小編有韓國朋友嚟香港,佢都話會好唔慣。



3. 浴室拖鞋


香港人喺屋企好多時都會著住室內拖鞋周圍走,而韓國人覺得屋企夠乾淨根本唔需要著拖鞋。不過,神奇地係佢哋只會去廁所先會著浴室拖鞋,其他時候都唔會著。



4. 漱口杯


香港人刷牙嗰陣,都好鍾意用漱口杯。不過,韓國好多家庭都唔會用杯,反而用手去代替杯。



5. 刮脷苔器

쿠팡


韓國人有幾重視口腔健康,相信唔使小編多講,大家都知。佢哋唔單止會要求牙齒要夠白,就連刮脷苔器都唔可以冇!


以上就係有關韓國洗手間嘅一啲小知識。唔知大家又覺得啱唔啱呢?




如果有更多想知嘅內容,都可以隨時留言或者dm話俾我哋知:)

   Instagram:creatrip.hk

  Facebook:Creatrip 帶你認識韓國每一面

   韓國代購

熱門文章

LoadingIcon
熱門文章