Hello，大家好，我哋係由韓國人話你知每日最新韓國資訊嘅Creatrip。
#韓國文化 #韓國冷知識
#韓國小常識 #旅遊知識
大家鐘唔鐘意小編分享嘅呢類韓國冷知識呢？
之前同大家分享嘅冷知識又睇咗未？
有好多嘢其實都喺人哋唔講，我哋都唔會無啦啦去諗，但喺突然知道之後，都會會心一笑，一齊嚟睇吓小編嘅分享啦，睇下你知道邊一個！
✨馬上Follow我哋IG
instagram.com/creatrip.hk
韓國冷知識
1. Kakao Ryan其實係獅子？
深受好多人鐘意嘅Kakao Friends系列角色Ryan(萊恩)，超Cute表情喺海內外都有唔少Fans。
不過同其他角色相比，講到Ryan係咩動物？大家可能都會話佢係熊。
事實上Ryan其實係一隻獅子，只不過佢喺冇鬃毛！
好多人都會搞錯呢點，大家有冇被佢外表呃到呢？哈哈哈哈
2. LINE其實唔係日本，而係韓國嘅？
大家都知道韓國人其實唔會點樣用Line，多數都係用KakaoTalk多，就好似我哋香港人成日會用WhatsApp咁。
Line主要都係台灣、日本、泰國人用，而好多人都會認為，啊，Line應該係日本嘅？但其實係錯㗎！
Line嘅母公司係韓國Naver，出資成立咗日本NHN公司，雖然主要研發都係喺日本，但喺核心層面上，Line其實都係韓國公司研究出嚟嘅App。
3. 南韓有部分領土係北韓？
韓國分成八道，除咗大家知道嘅京畿道、江原道、忠清道、慶尚道、全羅道之外，仲有位於北韓地區嘅黃海道、平安道、咸鏡道。
不過大多數喺南韓領土嘅江原道同埋京畿道，有部分地區其實係位於北韓境內(38度線以北)。
而呢啲地方都喺歸北韓(朝鮮)管理，所以某程度上想去北韓亦可以去京畿道或者江原道。
4. 韓國冇鬼節？
韓國雖然喺重大節日好似新年、中秋節，都喺同香港一樣跟農曆去過。
不過喺香港普遍會忌諱嘅鬼節(農曆七月十四日)，對韓國人嚟講反而就冇咩感覺。
加上多數人係信仰西方宗教，雖然農曆曆法喺社會上佔有一席之地，但係對農曆七月嘅態度，並唔會好似香港咁謹慎同恐懼。
同時比起鬼節，韓國傳統習俗中嘅巫術更加令人恐懼。
5. 首爾塔嘅燈光代表乜嘢意思？
相信大家嚟到首爾，一定會想去睇下首爾塔。
特別係夜晚，有時遠處望會見到佢有唔同顏色，但大家又知唔知解會咁嘅呢？
其實首爾塔係為咗畀所有市民可以即刻知道，當日嘅空氣質素係點，而設計出唔同嘅燈光。
紅色係代表空氣質素差，綠色係代表一般，藍色係代表好。
大家下次嚟旅行嘅時候，不妨都可以留意一下。
6. 韓國人出監之後要食豆腐？
喺香港嘅習俗入面，坐監或者遇到一啲唔好嘅事之後放返出嚟嘅時候，都可能會用碌柚葉沖涼，或者都會聽過要檻過火盆，等啲衰運走開。
而係韓國佢哋通常都會食一舊嫩豆腐。
因為豆腐嘅顏色係白色，象徵食咗之後就會好似呢舊豆腐咁潔白，抹走曬之前嘅衰嘢。
另外仲有一個講法係，因為喺監獄入面多數食嘅都唔係好，要快啲食舊充滿蛋白質嘅豆腐去補身。
7. 韓國人以冷制冷、以熱制熱？
同香港人覺得夏天食冰、冬天打邊爐唔同，韓國人深信以熱制熱、以冷制冷呢個道理。
所以就算係冬天，都會見到好多人買雪糕、食雪冰同飲凍咖啡。
而喺夏季嘅三伏天入面，大多數人都會食蔘雞湯補身，佢哋認為夏天流咁多汗，就係要靠蔘雞湯補足流失嘅精氣。
另外都有一種講法係韓國人認為夏天體內燥熱，如果仲食凍嘢，反而會令內外嘅溫差冇辦法中和，會造成身體嘅嚴重負擔。
8. 韓國人道歉、拜訪人嘅時侯都會雙手合緊(搓手)？
韓劇同現實生活中，都可以見到韓國人同人講對唔住或者有事要拜託人嘅時候，都會雙手合緊。
因為已經成為韓國人嘅一種習慣，所以佢哋連由來都唔太清楚，淨係知道要咁樣做，先可以表現出真心。
亦都有一種講法喺，呢個喺由中華文化入面請求其他人嘅時候會雙手合十演化而嚟，而咁樣搓手更有一種可憐嘅乞求感。
9. 韓國人出世就已經係1歲？
韓國嘅年齡計法同香港人唔同，簡單嚟講，佢哋嘅年齡進位係以年度為單位，計法同虛歲有啲相似。
對韓國人嚟講，就算你係2009年12月31日出生，因為你已經喺媽咪個肚入面十個月，出世嘅時候你差唔多就已經係1歲。
而只要一到下年2010年1月1號嘅時候，你就會變成2歲。
以上呢啲韓國冷知識大家又知幾多呢？
好多都係韓國日常生活入面好常見到，但大定又未必知道係咩意思，而家知道嘅朋友，不妨考下身邊嘅朋友啦！
✨馬上Follow我哋IG
instagram.com/creatrip.hk
| 其他延伸閱讀 | |
 韓國性暗示歌曲 |  私生飯恐怖行為 |
