牛隻受困屋頂
母愛的偉大！南韓暴雨釀水災，懷孕母牛攀上屋頂等被救，獲救後誕雙胞胎
덕이 @creatrip reporter
4 years ago
來源：연합뉴스Hello，大家好，我哋係由韓國人話你知每日最新韓國資訊嘅Creatrip。
＃韓國新聞
＃水災＃牛隻獲救
呢幾日韓國係咁落大雨，全國各地接連傳出災情。
除咗之前有牛群走去位於高處嘅寺廟避災之外，又發現有牛比水沖走，被困喺屋頂上嘅災情，令人不禁感慨喺大自然嘅災害面前，人類同動物都一樣咁無助。
根據韓聯社嘅報導，全南求禮郡良亭村入面，有一隻被困係屋頂上面嘅母牛。
喺比人打左麻醉針之後成功獲救，仲喺11號順利生左一對雙胞胎牛仔。
✨馬上Follow我哋IG
instagram.com/creatrip.hk
來源：news1
有咗bb嘅母牛喺落大雨嘅果一日，冒住傾盆大雨，喺已經比水浸咗嘅牛舍入面逃走出嚟。
喺洪水入面掙扎，好唔容易咁爬上屋頂先可以避開而次嘅滅頂之災。
而喺足足兩日入面，牛群喺屋頂上面落唔到黎，一啖水都冇飲過，但即使係咁，佢哋都好堅強咁生存落嚟。
來源：경향신문
等到雨勢開始細返之後，救援隊即刻開始救援計劃，首先救咗屋頂上面嘅其他牛隻。
不過，嗰隻母牛就郁都唔郁，拒絕接受人類嘅幫忙，堅守喺屋頂上面。
最後救援隊伍幫母牛打咗麻醉針，先可以將母牛成功咁救落嚟。
喺麻醉藥開始散之後，母牛仲好順利咁生咗兩隻牛仔。
來源：news1母牛嘅主人白南禮(音譯)表示：「唯獨果隻母牛堅持唔肯落返嚟，所以佢哋先會用麻醉藥將母牛救返落嚟，佢哋亦都覺得母牛可能係因為有咗bb。所以先一直唔肯落返嚟，一唸到母牛喺屋頂上面有幾咁辛苦，就好難過。」
依家韓國南部嘅雨勢已經緩和咗好多，但救援隊伍仲持續咁周圍去拯救牛隻同埋家畜。
良亭村入面有115戶人家，有五十幾戶養左1500幾隻牛同2000幾隻豬。
根據推測，呢次洪水導致咗400幾隻牛死亡，損失相當慘重。
熱門文章
