Hello，大家好，我哋係由韓國人每日提供最新韓國旅行資訊嘅Creatrip。
除咗大家成日都嚟買嘅韓國本土品牌，一啲非韓國嘅外國品牌，嚟韓國買都好抵，款式甚至係有好多，到底點解呢？等小編解答大家嘅疑問啦。
韓國買咗嘅品牌
1. FILA
FILA雖然係義大利品牌起家，喺香港嘅價錢都唔算平，但大家知唔知點解咁多人都話要去韓國一定要買FILA，或者係韓國嘅FILA平嘅原因呢？
原本南韓喺1991年獲得FILA嘅代理權，係亞洲第二個營運據點，但2007年FILA母公司試圖改善營運困境而失敗，喺韓國已經有穩定規模嘅FILA ko.就買埋FILA母公司，成為咗新主人，所以而家嘅FILA應該算係韓國品牌。
FILA ko.已經係FILA嘅老闆，喺行銷策略同價格上，都會以韓國嘅市場為第一出發，呢個都係點解韓國FILA可以賣得咁平，款式同設計更加係獨步全球發售。
2. 貢茶
相信大家都知道，韓國突然喺某一年開始興起嘅珍珠奶茶，其中一間最早插旗喺韓國嘅就係喺台灣起家嘅貢茶，當時俾韓國人有全新嘅飲料體驗。
雖然對習慣咗手搖飲品嘅台灣人嚟講，貢茶係個好熟悉嘅品牌，但係對韓國人嚟講就相當特別。因為咁台灣貢茶逐漸將發展重心轉往世界各地，而喺2016年嗰時，韓國貢茶（Gong Cha ko.）就買咗貢茶70%嘅股份，正式成為貢茶嘅最大股東。不過韓國貢茶價錢反而冇好似台灣咁平易近人，而是維持咗韓國物價嘅高水準。
3. Smoothie King
Smoothie King亦都係韓國相當常見嘅美國飲食品牌，2003年首次喺韓國亮相，以健康兼具味道嘅果汁口感虜獲咗全韓國人嘅心。相信好多人去韓國嘅時候，一定都有飲過Smoothie King。2012年嗰時，Smoothie King被韓國企業收購，2015年正式成為新世界食品旗下子公司，變成咗徹底嘅韓國品牌。
4. MCM
原本係德國潮牌品牌嘅MCM，喺2005年時被韓國知名女性企業家金聖珠收購，而好多人都唔知道金聖珠組成嘅Sung-Joo Group，擴大咗Gucci、YSL喺韓國嘅流通同流行。
持有MCM專利許可嘅Sung-Joo Group買咗MCM之後，正式將MCM嘅迎銷策略走向韓國同亞洲化，透過韓劇等包裝行銷，成功將MCM打入中國市場，再創品牌高峰。不過而家情況卻因為限韓令等影響，MCM再次迎來低谷。
5. LOUIS QUATORZE
1980年成立嘅法國奢華品牌LOUIS QUATORZE，亞洲地區嘅市場獲得一定程度嘅熱銷之後，喺1990年代透過TAEJIN international傳入韓國。
2006年時已經喺韓國穩紮穩打嘅LOUIS QUATORZE，正式被TAEJIN international收購，喺2009年嘅時候重返法國市場，獲得好評價同質感。
唔只呢啲被韓國企業買咗大部分持股，成為真正嘅韓國品牌，仲有好多海外品牌，因為喺韓國取得代理權或者係製作專利，喺售價上都同香港差好多，平咗唔少。
例如Dickies、MLC、New Era、Kangol等等，呢啲潮流服飾品牌，喺韓國嘅售價都相當平，亦都係好多海外代購客最鐘意買嘅品牌之一。
以New Era為例，New Era ko.買咗專利，所以好多設計都是由韓國方進行設計，價錢上都會比香港嘅New Era代理仲要平好多。而Dickies更加係有勁多折扣（雖然呢點連韓國人都唔知道點解），但都成為去韓國必去嘅品牌之一。
除咗呢啲，韓國企業其實收購嘅海外品牌仲有好多，好多韓國本土品牌亦都係唔輕易將持股讓俾海外，或者係開放代理，極力維持韓國品牌本土化。
之後大家嚟到韓國，不妨都注意一下呢啲品牌，話唔定間唔中有特別嘅收穫㗎。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
