Hello，大家好，我哋由韓國人話你知每日最新韓國資訊嘅Creatrip。
＃韓國新聞 ＃改造
＃舊地鐵 #藝術活動
近排，韓國有一個舊地鐵站進行咗大改造！
大家估下會改成點？
✨馬上Follow我哋IG
instagram.com/creatrip.hk
舊地鐵站翻新
首爾地鐵5號線永登浦市場站（영등포시장역），依家成咗一個超靚嘅文化藝術空間！
除咗有咖啡廳同埋攝影棚嘅空間之外，扶梯側邊嘅牆上面仲有美術作品比人欣賞添！
來源：동아일보
首爾交通公社將文化藝術，融入咗古老地鐵歷史嘅「文化藝術鐵道」對永登浦市場站進行大改造！
文化藝術鐵路事業係透過改造悠久嘅地鐵歷史，變成日常文化藝術空間，希望帶比大家一個耳目一新嘅感覺！
首爾市同首爾交通公社計劃，今年內會由永登浦市場站為起點，之後慢慢開始改造君子站、鍾路5街站、東大門站、新設洞站！
下一年，都會改造埋鍾閣站、鍾路3街站、祭基洞站、清涼里站、首爾站（4號線）、漢城大入口站、彌阿站、雙門站添！
來源：아시아일보永登浦市場站嘅改造主題命為「市場再發現」，以賣玩具同埋蔬果嘅傳統市場為主。
另外都會同其他藝術村一齊合作，投入31億5,000萬韓元嘅預算令舊區重新再生。
來源：아시아일보
地下一樓係賣家賣嘢嘅「市場廣場」，主題係藝術家故事嘅「市場媒體」。
地下二樓就有咖啡廳，同埋兼有展示、演講、教育空間嘅「休息間」，仲有可以製作youtube內容嘅攝影棚「創意泉」添！
來源：한국경제
來源：동아일보
喺地下三至五樓嘅手扶梯牆面就有一條「美術館階梯」，乘客搭電梯嘅時候都可以欣賞作品！
目前展出緊嘅作品係黃慧善嘅《市場風景》！
首爾交通公社社長金尚範表示，計劃即刻開始改造地下四至五樓嘅空間，以永登浦市場站為起點，將首爾嘅地鐵打造成一個藝術文化空間。
✨馬上Follow我哋IG
instagram.com/creatrip.hk
其他延伸閱讀 | |
 劉在錫、劉寅娜為受雨災戶捐款 |  漢江水位暴漲 |
