5首韓國「賤男」歌曲整理
5首韓國「賤男」歌曲整理，聽落好好聽...唔睇歌詞真係唔知原來咁over？
Hello，大家好，我哋係由韓國人話你知每日最新韓國資訊嘅Creatrip。
#韓國 #歌曲
#賤男歌? #最近韓國大熱
最近韓國好hit一個未叫做「숨듣명」 (숨어 듣는 명곡)。
中文意思即係要偷偷地聽嘅名曲。
原因係歌詞當中，有唔少都係有唔少聽落去都覺得有啲太「渣男」。
唔知大家睇完以下5首，又會覺得點呢？
利申：唔係話歌手本人，而係歌詞
✨馬上Follow我哋IG
instagram.com/creatrip.hk
1. Teentop - 不要噴香水
唔知大家仲記唔記得Teentop呢？小編當年第一隊追嘅就係佢哋。
最近佢哋因為10週年，多咗同fans互動，唔少人都聽返佢哋啲歌。
冇諗到其中呢首《不要噴香水》更加成為最近大熱。
第一次聽嘅時候，大家覺得曲風都幾輕快，冇諗過歌詞畀人話好賤。
歌名叫《不要噴香水》，原因係因為如果你（姐姐）噴咗香水，咁我女朋友就會發現。
最近Niel仲上某YouTuber平台講，當年因為細個（16歲）都唔太知，依家聽返都覺得好怕醜。
2. B1A4 - Good Night
同樣地又係一首聽落好輕快，但其實歌詞唔少韓國人都話好渣男。
因為當中有好幾句係「今日要將你蒙在鼓裡」、「今晚你覺得我好奇怪，就算你知都請放過我一馬」 、「你今晚唔係我個心入面，你就好好去訓啦」、「有時去玩下有咩問題，反正我聽日都會去搵你」等歌詞。
大家睇完又覺得點呢？
3. 太陽 - Look at me only
太陽雖然唱過唔少好歌，除咗《眼睛、鼻子、嘴唇》最出名之外，呢首《Look at me only》可以話係經典中嘅經典。
雖然聽歌名好似好sweet咁，但事實上係一首一腳踏兩船嘅歌。
「即使我有第二個，你都絕對唔可以有
即使我唔記得你都好，你都唔可以忘記我
有時我去飲酒冇聯絡你，就算同第二個女仔錫都好，你都只可以望住我」
大家睇完呢句又會唔會覺得好渣呢？
4. JYP - 我已有女人
JYP出過唔少好多好歌，呢首直到依家都唔少人都仲唱緊。
如果大家有睇過歌詞，就會知道其實係有啲奇怪。
因為佢係講「明明我已經有女人，我明知唔可以咁，但只要一見到你，我個心就會動搖。」
呢一種完完全全係壞男人嘅表白方式啊！
5. 神話 - 你的婚禮
呢首真係不得了....小編都係早排睇綜藝《驚人的星期六》得知呢首歌。
當時節目請咗配音員好戲劇性咁朗讀歌詞畀主持人同嘉賓EXO估，呢首歌就係其中一首。
歌嘅內容係講「係細佬嘅婚禮上對新娘一見鍾情，內心非常掙扎」嘅故事。
小編聽到歌詞時嘅反應，同EXO嘅KAI一模一樣，大家有興趣不妨都去睇下節目。
以上5首大家又有冇聽過呢？
唔留意歌詞真係唔知竟然係一首「賤男歌」。
小編依家聽返竟然有一種莫名嘅感覺？唔知大家又點睇呢？
✨馬上Follow我哋IG
instagram.com/creatrip.hk
其他延伸閱讀 | |
 新西遊記第八季 |  韓國養貓藝人 |
