同韓國軍人拍拖好處
男朋友當緊兵，感情會更好？分析同韓國軍人拍拖嘅7個好處！
Hello，大家好，我哋係由韓國人話你知每日最新韓國資訊嘅Creatrip。
韓國男仔要當兵18個月，好多情侶都喺兵役期間分手，兵役期間想見又見唔到，放假又少，真係好難維繫感情，不過同軍人拍拖其實都有好處㗎！等小編同大家分析下啦！
同韓國軍人拍拖好處
1. 去邊都有優惠
因為軍人對國防有貢獻，所以好多地方都對軍人有特別優惠，例如：樂園、戲院買飛都會平啲，CGV一張戲飛，軍人只要俾₩7000，所以如果你男朋友喺軍人，年中都可以慳返唔少門票錢。
2. 超抵買嘅軍人超市
PX (post exchange) 係軍人先可以去嘅超市，呢度嘅食物同化妝品都比出面平90%，韓國出名嘅牌子，例如：MediHeal、Dr.G都可以買到。小編平時用開嘅一款Cream要₩30000，但軍人超市只賣₩5000。
3. 男友會變MAN同生活有規律
軍隊最講軍紀，隨時都要保持警覺，而且軍人生活好有規律，定時定刻要做特定任務，加上當緊兵嘅男人，每日都要練體能，會變得好MAN、好大隻。如果你嘅男朋友去咗當兵，一定可以感受到佢嘅變化。
4. 出軌機會低
軍隊大部份都係男人，所以男朋友喺軍隊可以出軌嘅機會大大降低。
5. 小別勝新婚
인사이트
因為當兵期間可以見到男朋友嘅機會唔多，所以會特別珍惜每次可以見面嘅時間，情侶成日見可能會因為好小事而有好多爭執，反而唔見仲少啲鬧交，甜甜蜜蜜。
6. 特別禮物 - 꽃신발 (花鞋)
男朋友退役個陣，會送女朋友一對鞋，多謝佢等咗先己年半有多，呢份禮物叫做꽃신발 (花＋鞋)，係咪好有意義、又好靚呢？
7. 感情更好
一對情侶就連咁辛苦軍役都捱得過，仲有咩可以難到佢哋呢？小編有朋友成功捱到男朋友當兵出嚟，一直拍拖到而家結埋婚。
以上就係7樣同軍人拍拖嘅好處，唔知有冇朋友有類似嘅經歷呢？
最近軍隊放寬咗，軍人每日都可以用4個鐘電話，等佢哋可以聯絡屋企人同女朋友，相信同軍人拍拖會冇咁辛苦。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
