韓國人去香港必買清單
韓國人嚟香港就係為咗買佢？每次都有衝動想一打咁買返去！到底係啲咩...？
Hello，大家好，我哋係由韓國人每日提供最新韓國旅行資訊嘅Creatrip。
相信香港人去韓國都一定會必掃化妝品、衫褲鞋襪、零食等，咁大家又知唔知韓國人去香港，又鍾意買啲咩呢？以下10款大家又會點睇？
韓國人去香港必買清單
1. 珍妮曲奇
다나와
相信唔使小編多講，韓國人嚟香港必買珍妮曲奇已經成為家喻戶曉嘅事，每次經過珍妮曲奇餅店都會見到好多人排隊，基本上10個有8個都係韓國人，佢哋認為珍妮曲奇係世界級好食嘅曲奇，但事實上香港人又真係唔太買....
2. 奇華曲奇
다나와
繼珍妮曲奇後，佢哋亦都好鍾意喺機埸買奇華曲奇返韓國，一嚟係佢哋覺得好可愛，二嚟係因為後悔買太少珍妮曲奇，唯有買奇華去頂替。
3. 黑人牙膏
韓國人除咗會去台灣掃牙膚之外，去到香港都會想一打一打咁掃，原因係韓國人真係好重視口氣問題，佢哋一日平均會刷至少3次牙，只要Lunch Time一完，喺洗手間一定會見到佢刷緊牙，所以牙膏需求對佢哋嚟講真係好大。
4. 保濟丸
HKTV MALL
其實韓國人去海外，好多時都會帶定自己國家嘅杯麵同泡菜出國，原因係佢哋好多時都會食唔慣其他國家美食。大家可能會諗，韓國唔係都有西餐或中餐咩？但事實上大家只要去食一次，都係發覺係有一種韓國味，所以佢哋唔太適應香港美食嘅時候，就會去買保濟丸，去解決腸胃不適。
5. 白花油
WATSONS
白花油唔單止香港人屋企至少會有一支之外，韓國人亦都好鍾意掃幾支返去，唔少韓國人都覺得白花油好神奇，超通鼻塞，同時好提神。雖然而家韓國Olive young都有得買，但價錢真係好貴，韓國一支價錢等於香港可以買至少4支。
6. 虎標萬金油
중앙일보
其實小編真係一次都未用過，但韓國朋友話俾小編知，真係好好用，佢哋話只要頭痛同鼻塞，聞一聞同搽一搽好似神藥咁，即刻會好返！
7. 黑珍珠面膜
여성신문
8. Crabtree & Evelyn Hand Cream
룩판타스틱
唔少韓國女仔都覺得Crabtree & Evelyn 同L'OCCITANCE好似，相對Crabtree & Evelyn價錢就平啲，而且香港有時仲會打折，所以佢哋嚟到香港都必買。
9. 旺角西洋菜街 行李牌&USB
Wikiwand
呢個係韓國同事同小編講，佢哋話韓國人去香港都鍾意買行李牌同USB，因為除咗夠平之外，同埋佢哋覺得好Cute。
10. Gucci 唇膚
데일리트렌드
大家可能會諗，韓國冇Gucci咩？聽韓國同事講Gucci唇膚係呢3年先喺韓國有得買，以前想買都一定要去香港先買得到，亦可能香港唔需要俾稅，韓國人每次嚟都會買2-3支返去。
以上10樣都係韓國人鍾意嚟香港時必買清單！下次有韓國購友去香港，唔知介紹咩畀佢哋好？咁不如就save底呢篇文章記住啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
