logo
logo

韓國2025年最低時薪衝破₩10,000大關

出年韓國最低工資係幾多錢?呢個結果勞資雙方都滿意?

Soobin Cho
3 months ago

Hello,大家好,我哋係由韓國人每日提供最新韓國旅行資訊嘅Creatrip


無論係學生們去做兼職,定係已經有正職嘅打工仔們,最期待嘅相信一定係出糧日XD 而韓國每年都會重新擬定下一年嘅最低工資,今年亦都唔例外,到底出年韓國最低時薪係幾多錢?同香港比又差幾遠?



2025韓國最低工資

韓國最低工資 韓國最低時薪 韓國最低人工 韓國人工 韓國工作 韓國打工 韓國兼職 韓國兼職時薪 韓國兼職人工 韓國社會 韓國新聞

조선일보

韓國最低工資委員會喺7月12號宣佈,出年(2025年)最低時薪將會由今年嘅₩9,860(9860)加到₩10,030(10030),上調幅度為1.7%。


韓國最低工資 韓國最低時薪 韓國最低人工 韓國人工 韓國工作 韓國打工 韓國兼職 韓國兼職時薪 韓國兼職人工 韓國社會 韓國新聞

한겨레

韓國最低工資制度喺1988年開始實行,今次係37年嚟第一次超過₩10,000,可以話係其中一個里程碑。如果計返做月薪,韓國2025年最低工資將會係₩2,096,270(2096270)


韓國最低工資 韓國最低時薪 韓國最低人工 韓國人工 韓國工作 韓國打工 韓國兼職 韓國兼職時薪 韓國兼職人工 韓國社會 韓國新聞

모빌리티TV

不過呢個結果視乎勞資雙方都唔滿意,勞工方表示今次嘅升幅係繼2021年後歷代第二低嘅幅度,加上物價通脹速度快,實際上加咗就好似冇加咁;而資方就表示加薪對中小企業同小商戶/自僱人士嚟講係一個非常大嘅負擔,加埋租金、水電煤費、稅金等等各種洗費,相信之後可能會有好多人為咗減少開支而寧願自己一腳踢做生意,亦都會多好多無人店鋪


韓國最低工資 韓國最低時薪 韓國最低人工 韓國人工 韓國工作 韓國打工 韓國兼職 韓國兼職時薪 韓國兼職人工 韓國社會 韓國新聞

서울경제

當中影響最大嘅行業一定唔少得便利店。韓國有好多便利店都會請幾個兼職輪更,但係因為便利店收入唔算高,所以甚至有便利店老闆表示整體收入嘅70∼80%都係用嚟俾人工,今次加薪令到財政負擔變得更加大,可能逼不得已要炒人或者縮短兼職工作時數(網上仲有人講笑話而家做part time仔分分鐘好賺過做老細XD)。


韓國最低工資 韓國最低時薪 韓國最低人工 韓國人工 韓國工作 韓國打工 韓國兼職 韓國兼職時薪 韓國兼職人工 韓國社會 韓國新聞

연합뉴스

不過客觀啲咁睇,其實韓國最低人工雖然比歐美國家低,不過喺亞洲地區嚟講已經算高。以2023年嘅情況為例,韓國當時嘅最低時薪係₩9,620(9620),而日本同台灣就分別得961日圓(約8300)同176台幣(約7450),而香港就只係得40蚊港紙。

喺物價升幅咁大嘅時代,講真勞資雙方嘅立場只會日益產生分歧,好難達至win-win雙贏,大家又點睇?




如果有更多想知嘅內容,都可以隨時留言或者dm話俾我哋知:)

 Instagram:creatrip.hk

 Facebook:Creatrip 帶你認識韓國每一面 

 韓國代購

Mail:help@creatrip.com

熱門文章

LoadingIcon