Hello，大家好，我哋係由韓國人話你知每日最新韓國資訊嘅Creatrip。
#韓國文化 #流浪貓
唔知大家嚟韓國旅行有冇見過流浪貓喺街上呢？
今日小編要講下韓國人點樣處理流浪貓。
內容可能會忍起大家不安⋯⋯小編都寫到好嬲。
✨馬上Follow我哋IG
instagram.com/creatrip.hk
遺棄猫問題
鍾意貓嘅朋友應該同小編一樣，見到流浪貓都會好心痛。
韓國嘅流浪貓好驚人，所以佢哋見到人都會跑開⋯⋯
受到韓國傳統嘅影響，有部份人仲會抱住「貓係不幸嘅動物」嘅諗法。
pixabay
韓國流浪貓嘅數量持續增長。
據估計，首爾有多達20萬隻流浪貓，目前冇一啲專門管理同照顧流浪貓嘅機構或者組織。
由於流浪貓好難搵嘢食，又要忍受寒冷嘅天氣⋯⋯好多都活唔過五歲ㅠㅠ
而且，有少數韓國人仍然好唔鍾意貓，對佢哋唔太友善。
貓嘅象徵
하나다문화센터 다린Story
喺韓國唔少傳統故事入面，貓都擔任住背叛主角嘅角色，唔太討好。
貓甚至被視為惡魔、撒旦嘅化身。
所以喺韓國，貓有住負面嘅象徵意義，佢哋相信貓會帶嚟厄運。
流浪貓生活環境
charitypaws
近年韓國鍾意貓嘅人不斷增加，佢哋好多都會幫手照顧流浪貓，有好心人每到冬天就會去餵佢哋，又會幫佢哋設立一啲避寒嘅小屋。
甚至仲有YouTube Channel專門介紹流浪貓。
不過有啲對貓有偏見嘅韓國人，對餵貓嘅行為不滿。
小編之前都喺屋但附近整咗一間屋仔被流浪貓，仲專登將間屋放喺啲隱秘嘅地方，但都被人掉咗⋯⋯
流浪貓通常會喺屋頂或者地盤附近生活。
佢哋為咗覓餵食，會去路邊嘅垃圾袋搵嘢食，又或者喺餐廳附近徘徊。
不過對貓貓嚟講，去餐廳搵嘢食好危險，因為餐廳店主見到貓，會打佢哋去趕走佢哋，令到貓貓更加驚人。
虐待動物
唔鍾意貓嘅人會用化學藥物或者殺蟲水令流浪貓消失。
甚至有人會一啲極暴力嘅方法對待流浪貓。
報導指，有人會用魚鉤引誘貓貓將佢哋吊死，甚至將貓貓掉出建築物外或者切成薄片⋯⋯
最令人震驚嘅係，曾經有600幾隻流浪貓被人捉咗煮熟、整成藥物，再喺醫療中心出售⋯⋯
韓國每年大約有250萬隻狗同10萬隻貓會被用嚟生產食物同商品。
貓會被用嚟極成「고양이소주」（貓燒酒）。
佢哋相信呢種燒酒可以治療風濕性關節炎，甚至各種疾病。
解決流浪貓
為解決流浪貓問題，有組織採用「捕捉、絕育、釋放」嘅方式將佢哋捉起，幫佢哋消毒同打疫苗針，再將佢哋放走。
呢個由政府支持營運嘅組織受到好大爭議，因為好多被釋放嘅貓都未完全康復、唔太健康，增加死亡嘅風險。
好多人認為解決流浪貓嘅最佳方法係由教育入手，改變人對貓嘅偏見開始。
近年，越嚟越多韓國人願意領養貓貓，但仲有好多人會偏好養純種貓，而對流浪貓有偏見。
韓國藝人開始養貓開始改變部份韓國人對貓嘅睇法。
韓國亦開始出現貓Cafe。
雖然貓Cafe以商業性質為主，但都係一個令韓國人接受貓嘅好方法。
韓國人多數住嘅地方都唔可以養寵物，貓Cafe可以畀佢哋接觸貓貓。
韓國流浪貓嘅問題似乎係短期內都好難解決。
韓國保護動物嘅組織寄望韓國新一代會較為接受貓，改變舊一輩對貓嘅負面諗法。
而且，佢哋亦希望韓國人會領養流浪貓多於買新嘅寵物，去解決韓國流浪貓嘅問題。
小編相信大部份韓國年輕人對都唔會抱有傳統嘅負面諗法。
不過要解決流浪貓問題，仍然有好長嘅路要走。
✨馬上Follow我哋IG
instagram.com/creatrip.hk
| 其他延伸閱讀 | |
 韓國人對香港誤解 |  韓國人血型睇性格 |