Hello，大家好，我哋係由韓國人每日提供最新韓國旅行資訊嘅Creatrip。
相信唔使小編多講，大家都知道韓國人對飲酒嘅喜愛程度有幾高，今日小編就想同大家介紹下韓國飲酒4步曲！到底同香港飲酒有咩唔同？等我哋一齊去睇下。
韓國人飲酒4步曲
Step 1 - 首先去餐廳食飯
小編問過韓國人，佢哋飲酒之前第一步就係要食飯，如果唔食定啲嘢打底，酒精可能會對胃產生影響，而且好快會醉。
如果係學生嘅話，通常都係去食燒肉，上班族通常就會去餐廳食飯，食完就準備去下埸。
Step 2 餐酒館 (술집)
去到第2步就會去餐酒館繼續飲，不過呢邊比起餐廳就會多咗好多唔同種類嘅酒。呢個時候先係佢嘅嘅重頭戲，除咗飲酒之外，佢哋仲會叫炸薯條、炸雞等小食一齊食。
多數飲到某個時候，應該有人會開始有啲醉或者頭暈，佢哋可能會玩下遊戲提提神。
Step 3 - 去卡拉ok
第三步就係韓劇成日會見到嘅卡拉ok！韓國人最鍾意就係去呢度放鬆下心情，順便可以清醒一下。
通常去到呢一步，有好多人巳經有8成醉，所以喺韓國街頭都成日會見到一邊唱歌一邊飲到半醉嘅韓國大叔。
Step 4 - 食大豆芽解酒湯 (콩나물 국)
最後一步就係飲解酒湯！最受歡迎嘅解酒湯就係大豆芽湯，雖然唔知道大豆芽湯對健康有咩好處，不過就可以暖胃同令身體放鬆。
另一種常見嘅解酒湯，就係豬骨湯（뼈장국），好多時都係24小時可以食，同時都係深受韓國人嘅喜愛。
點解韓國人飲咁多酒？
Work hard, Play hard可能係好多韓國人嘅座右銘，飲酒可以䆁放自己公事上嘅壓力。𣎴過好多韓國人都唔鍾意公司聚餐，因為佢哋覺得同老闆一齊飲酒係加班做嘢嘅感覺。
如果唔同老闆飲酒可能就會被視為唔尊重，所以有好多韓國人就算唔鍾意都要硬住頭皮頂住飲，呢個亦係韓國職場生活嘅血淚史。
小編認為韓國人飲酒係社交同緩解壓力嘅一種方式，但係飲酒會對健康造成負面影響，仲可能導致意外發生，大家都要小心啲。
如果有更多想知嘅內容，都可以隨時留言或者dm話俾我哋知：）
Instagram：creatrip.hk