建大學費將退學費

＃韓國新聞＃建大
＃學費＃將部分退款

受新型冠狀肺炎影響，韓國學校紛紛轉用線上授課，正式開學日期一再推遲。

好多大學生都抗議，因為幾乎成個學期都唔係面對面上堂，覺得咁樣唔係獲得應有嘅教學，要求校方跟進。

6月15號，首爾建國大學同學生會進行第八次學費審議委員會，達成初步共識，會喺下個學期退回部分學費，但詳細金額仍然討論緊。

🤞🏻 Creatrip Youtube上線囉

✨馬上Follow我哋IG
instagram.com/creatrip.hk

🎈韓國代購服務

建大將退還學費

受疫情影響，好多大學都改用線上授課，唔少學生認為咁樣唔可以得到應有嘅教學，所以佢哋要求退還部分今個學期嘅學費。

建國大學校方同學生會進行第八次學費審議委員會嘅時候，決定會向上學期1.5萬幾個在校生（首爾校區）退還今個學期部分學費。

學費會喺下學期學費通知書入面扣減，但金額仍然商議緊。

來源：연합뉴스

韓國其他大學都研究緊以獎學金方案補償，大邱部分大學已向所有在校生，發放10萬至20萬韓元嘅獎學金，但多數學生認為唔應該用「學生原先享有」嘅獎學金制度退還學費。

教育部表示，呢個問題係大學自行決定，唔會對學費退還問題加意見。

據了解，由今年四月開始，因疫情影響，學生唔可以正常上堂，建國大學學生會就此向校方爭取退還部分學費。

經全校4千幾個學生討論、聯署後，校方終於鬆口，承諾會有補償方案。

來源：연합뉴스

建國大學係韓國大學入面，第一間因肺炎疫情而退還學費嘅大學，預計有其他大學仿效。

韓國大學教育協議會表示，因各方面因素，好多學校都冇財政餘力應對退還學費嘅要求。

佢哋呼籲政府、教育部將「大學革新支援事業」等補助款，轉以特別獎學金形式發放畀有需要嘅學生。

🤞🏻 Creatrip Youtube上線囉

✨馬上Follow我哋IG
instagram.com/creatrip.hk

🎈韓國代購服務

其他延伸閱讀
2020建大懶人包	韓國大學生文化