Hello，大家好，我哋係由韓國人話你知每日最新韓國資訊嘅Creatrip。
#韓國新聞 #酒駕
曾出演Produce 101 第二季、男團AB6IX隊長林煐岷因酒駕停牌。
經紀公司之後宣佈，林煐岷會退出團體，AB6IX改用四人體制活動。
喺韓國，公眾人物只要同「酒駕」扯上關係，基本上就會終結演藝生涯。
究竟韓國國內酒駕有幾嚴重？一齊睇下啦！
✨馬上Follow我哋IG
instagram.com/creatrip.hk
韓國酒駕罰則
韓國人鍾意飲酒相信大家都知，所以對於酒駕同交通安全嘅問題，相關部門一次又一次修訂相關罰則，增加處罰力度，阻止酒駕歪風。
促成2018年酒駕大修法嘅原因，其實係因為一件非常悲傷嘅事。
2018年，當時正在服役嘅軍人尹昌浩（윤창호）喺海雲台一帶，被一個飲醉嘅司機高速撞上，不幸身亡。
呢件事被尹昌浩嘅朋友上傳到青瓦台請願，短短幾日已經超過40萬人連署，促成呢項修法，亦稱為尹昌浩法（윤창호법）。
目前韓國對於酒駕罰則如下，畀大家參考下：
| 行為 | 基本罰則 |
| 第一次酒駕 (未造成事故) | 酒精濃度0.2％以上 2至5年有期徒刑或 1,000至2,000萬元罰款 並吊銷車牌1年 |
酒精濃度0.08至0.2% 1至2年有期徒刑或 500至1,000萬元罰款 並吊銷車牌1年 | |
酒精濃度0.03至0.08% 1年以下有期徒刑或 500萬元以下罰款 罰分100分 | |
| 二次(含)以上酒駕 (未造成事故) | 酒精濃度0.03%以上 2至5年監禁或 1,000至2,000萬元罰款 吊銷車牌2年 |
| 第一次酒駕 (酒駕造成事故 或致人受傷) | 酒精濃度0.2％以上 2至5年有期徒刑或 1,000至2,000萬元罰款 並吊銷車牌2年 |
酒精濃度0.08至0.2% 1至2年有期徒刑或 500至1,000萬元罰款 並吊銷車牌2年 | |
酒精濃度0.03至0.08% (未有人受傷) 1年以下有期徒刑或 500萬元以下罰款 罰分100分/110分 | |
酒精濃度0.03至0.08% (有人受傷) 1年以下有期徒刑或 500萬元以下罰金 並吊銷車牌2年 | |
| 二次(含)以上酒駕 (未造成事故) | 2至5年有期徒刑或 1,000至2,000萬元罰款 吊銷2年駕照 |
| 二次(含)以上酒駕 (造成事故) | 2至5年有期徒刑或 1,000至2,000萬元罰款 吊銷車牌3年 若造成死傷 則吊銷車牌5年 |
大家可能會覺得韓國對於酒駕嘅基本罰則太輕，但其實喺《尹昌浩法》修法之後，2019年六月底強化咗酒後駕駛嘅處罰標準。
透過「特定犯罪加重處罰等相關法律」規定，如果係造成他人受傷嘅酒駕事故，會處以1年以上15年以下徒刑，罰款增加至3,000萬韓元；
如果發生死亡事故，會處3年以上至無期徒刑嘅判決。
尹昌浩法
當時，呢名肇事駕駛者被稱為「殺人兇手」，比起個人財產損失，酒後駕車無疑係殺人行為，引起全韓國國民嘅怒火，促成《尹昌浩法》通過。
韓國社會喺早期對於酒駕意識冇咁謹慎，多數中老年人甚至都會覺得唔緊要。
不過喺現代社會，酒後駕駛造成嘅事故比例相當高，死亡人數不斷增加，社會大眾逐漸幾「酒駕視同謀殺」變成統一共識。
連一般人酒駕被捕，都會影響到工作同為人評價，更何況係公眾人物？
所以喺韓國，公眾人物被爆出酒駕醜聞，基本上都等於斷送演藝事業。
相信大家應該都聽過唔少因酒駕醜聞，退團、退出演藝圈、息影嘅韓國藝人。
即使日後復出，佢都會被韓國電視台封殺（無線台唔會邀請酒駕藝人上節目，以免造成不良示範）；
而日後嘅作品，都會背上「酒駕犯」嘅臭名而遭受無情輿論攻擊。
最後提醒大家，無論喺邊度，飲酒之後請勿開車，珍惜自己同其他人生命。
✨馬上Follow我哋IG
instagram.com/creatrip.hk
其他延伸閱讀 | |
 大眾藝人抑鬱症 |  RM留言版轉非公開 |
