韓國防疫兩星期為關鍵
韓國疫情連環爆！中央災難安全本部：兩星期內首都圈疫情未減，會恢復社交距離限制
Hello，大家好，我哋係由韓國人話你知每日最新韓國資訊嘅Creatrip。
隨住韓國疫情一度緩和，政府喺月初宣布由05月06號起解除「社交距離限制」，變成「生活防疫」。
不過，一個感染者喺今個月05號確診，喺疫情調查個陣，發現佢去過梨泰院多間酒吧同夜店。
當時正好係社交距離限制解除嘅時候，但就爆發梨泰院夜店集體感染，而且牽扯出越嚟越多感染者，疫情再次拉起警報。
中央災難安全對策本部為此喺28號下晝發表講話。
Creatrip為咗關心韓國嘅朋友，會持續更新相關新聞（點我）。
大家唔需要太過擔心同緊張，記住出門口一定要戴口罩同勤洗手！
✨馬上Follow我哋IG
instagram.com/creatrip.hk
防疫當局發表談話
來源：연합뉴스
雖然喺政策上已解除「社交距離限制」，轉向「生活防疫」措施，但因梨泰院夜店擴散感染，令韓國嘅防疫政策成為重點。
疫情再爆發初期，因感染者、高風險族群係特定性少數，令政府喺疫情調查上出現困難，仲有好多人隱瞞職業、動線。
最後首爾市政府、京畿道政府宣布匿名篩檢（相關新聞點我），保障接受檢測嘅人嘅私隱，先有多啲人肯現身檢查。
另外，疫情傳染嘅幅度擴至校園同其他社區、職場，例如仁川補習班講師感染學生，學生再感染其他人，引發六次以上嘅感染鏈。
來源：연합뉴스韓國物流公司coupang都傳出集體感染，範圍擴及富川同高陽等京畿道城市、仁川、首爾一帶。
截至韓國時間下晝4點，防疫本部表示coupang相關感染者已經有82人。
中央災難安全對策本部28號韓國時間下晝4點，對「保持社會距離限制」同防疫政策發表立場。
來源：YTN當局表示，由今日起至06月14號，建議首都圈娛樂設施暫時歇業，如果真係要營業，就要確保有好好遵守防疫守則；
學生成日去號補習班同網吧，要實行用戶實名制，以達到防疫效果，亦建議補習班暫時停課。
先前各地方自治團體下達吧夜店、酒吧、卡啦OK嘅營業禁令，可按照政府嘅行政命令延長。
來源：연합뉴스
最後中央災難安全對策本部長表示，呢兩星期請減少外出、聚會。
如果兩星期內首都圈嘅擴散感染現象冇停止，會恢復「社交距離限制」。
✨馬上Follow我哋IG
instagram.com/creatrip.hk
| 其他延伸閱讀 | |
 物流中心爆感染 |  梨泰院感染擴散 |
