物流中心爆感染
韓國今新增79宗病例，53日嚟最高...coupang物流爆感染，擴散69宗確診
Jeongyeong Yeo
5 years ago
Hello，大家好，我哋係由韓國人話你知每日最新韓國資訊嘅Creatrip。
截至今日（28號）為止，韓國新冠案例有11,344宗，單日新增79宗，係自04月05號單日新增數量最高嘅一日。
梨泰院夜店嘅感染潮，目前正以各種媒介喺全韓國擴散。
Creatrip為咗關心韓國嘅朋友，會持續更新相關新聞（點我）。
大家唔需要太過擔心同緊張，記住出門口一定要戴口罩同勤洗手！
✨馬上Follow我哋IG
instagram.com/creatrip.hk
物流中心爆感染
日前，京畿道富川coupang物流中心爆發新冠肺炎集體感染，截止今日為止，已經有69宗病例，其中55人係直接感染，而其餘14人係第二代感染者。
據了解，呢啲感染者分散喺首爾、京畿道、仁川等首都圈地帶。
其實早喺05月23號，物流中心就有工作人員同佢嗰仔被確診後，但coupang冇即刻關閉設施，要求員工自主隔離，釀成今次富川物流中心集體感染。
來源：연합뉴스尋日，位於高陽市號物流中心都出現咗確診病例，員工喺26號發燒，接受檢查後喺第二日確診。
物流中心接獲消息後，即刻關閉，保健當局掌握咗確診者路線，正在同庫房協調，要所有同確診者接觸過嘅人都要隔離。
中央災難安全對策本部同首都圈自治團體，開會決定，為阻止疫情進一步擴散，會對類似嘅物流設施、倉庫，進行防疫檢查。
來源：news1受疫情影響，大家都多咗網上購物，coupang等物流業者都有顯著嘅業績增長，多咗人買，自然請咗好多兼職幫手。
防疫當局針對呢一點，要求快遞企業、物流倉庫管理業者都要確保有齊兼職日工嘅名單同聯繫方式，以防萬一。
防疫概念唔係只喺社交場合先要維持，職場都要嚴加遵守，以免新冠病毒再次擴散。
✨馬上Follow我哋IG
instagram.com/creatrip.hk
| 其他延伸閱讀 | |
 炸雞外賣服務 |  梨泰院感染擴散 |
 韓國強制戴口罩 |  韓國通姦除罪化 |
熱門文章
