梨泰院7代感染
仁川補習班講師講大話，令梨泰院夜店爆第7代感染！仁川政府提控
Hello，大家好，我哋係由韓國人話你知每日最新韓國資訊嘅Creatrip。
截至26號為止，韓國新型冠狀肺炎病例已累積至11,225宗，比尋日多19宗，其中16宗係社區感染。
更令人擔心嘅係，梨泰院夜店爆發嘅集體感染，已擴散到第七代感染。
Creatrip為咗關心韓國嘅朋友，會持續更新相關新聞（點我）。
大家唔需要太過擔心同緊張，記住出門口一定要戴口罩同勤洗手！
✨馬上Follow我哋IG
instagram.com/creatrip.hk
韓國爆第七代感染
來源：연합뉴스梨泰院夜店感染至今已經有四星期，但因為梨泰院周邊多年輕人聚集，夜店入面嘅客人又會近距離接觸，令相關感染者擴散到韓國各地，韓國再次陷入大規模感染嘅危機。
先前報導過仁川補習班講師（相關案件請點我），喺疫情調查個陣，隱瞞自己講師嘅身分，令新冠病毒喺學生、學生家長、補習班工作人員之間擴散開嚟。
仁川市政府相當緊張，向所有補習班下令停課一星期，甚至提出高中要再延遲開學。
仁川市長（來源：이델이리）仁川市政府喺記者會上表示，會以違反《傳染病預防及管理》，控告呢名補習班老師（25歲），案件進入偵查程序。
最新消息指出，梨泰院夜店集體感染嚟到第七代感染，確認係由呢名仁川學院講師傳出。
感染路徑已完成調查：梨泰院夜店→仁川學院講師→學生→的士司機→參加週歲宴嘅人→喺A餐廳食飯嘅人→喺B餐廳食飯嘅人。
防疫當局最擔心嘅狀況已經發生。
中央防疫本部副本部長表示，一名確診者就可以引起相當大規模嘅感染，希望進行流行病學調查（疫調）個陣，大家都會積極協助調查。
當身體出現異常，亦要即刻去檢查。
原先未被當做梨泰院夜店相關感染嘅大邱男童，同佢嘅嫲嫲，喺調查後都被分類為梨泰院集體感染嘅相關個案。
來源：연합뉴스
中央防疫本部發言表示：梨泰院夜店嘅直接確診者入面，冇重症患者，但二代感染嘅確診者入面，有好多60歲以上嘅人。
佢指出，病毒擴散開去嘅話會好危險，因為新冠肺炎客易令老年人、慢性病患者致命。大家一定要保持警惕，小心防疫。
✨馬上Follow我哋IG
instagram.com/creatrip.hk
| 其他延伸閱讀 | |
 弘大酒吧爆感染 |  仁川講師釀感染 |
