Hello，大家好，我哋係由韓國人話你知每日最新韓國資訊嘅Creatrip。
＃首爾地鐵＃韓國地鐵 #韓國巴士
＃韓國的士＃武漢肺炎＃韓國疫情
繼早前政府宣佈唔戴口罩嘅市民喺特定時段唔可以坐地鐵之後。
今日（25號）相關部門再次將限制範圍擴展到巴士、的士同飛機，聽日起實施。
Creatrip為咗關心韓國嘅朋友，會持續更新相關新聞（點我）。
大家唔需要太過擔心同緊張，記住出門口一定要戴口罩同勤洗手！
✨馬上Follow我哋IG
instagram.com/creatrip.hk
唔戴口罩禁上公共交通
韓國中央災難安全對策部25號發表「交通防疫強化方案」。
自新冠肺炎疫情開始以嚟，韓國政府加強對巴士、鐵路、地鐵等交通工具嘅防疫措施，出發前、到達後同埋尾班車之後都會加強消毒。
另外，政府亦鼓勵乘客要戴口罩先好坐大眾交通。
NEWSIS
不過，有乘客仍未有跟從指示戴好口罩先上車，而出現確診個案。
首爾、仁川、大邱等地政府更頒發行政命令，要求市民喺公共交通上戴口罩。
但係直到24號為止，一共有9宗巴士內感染個案同12宗的士內感染個案。
NEWSIS尹泰浩（音譯윤태호）部長指：「因為天氣變熱，唔少乘客變得鬆懈，喺車廂冇好好戴口罩，所以就有今次嘅強化對策。」
今次嘅對策由26號起實行，乘搭巴士、的士嘅乘客同司機都必定要配戴口罩，否則市政府會依《旅客汽車運輸事業法》下令改善。
另外，喺司機因乘客未有戴口罩而拒載嘅情況下，司機並唔會受到行政處分。相關部門亦預計會將相關措施會擴展到鐵路。
同時，由27號起，未有配戴口罩嘅乘客亦唔可以上飛機，包括所有國內、國際線班機。
경향신문
政府亦要求各地方自治團體積極宣傳，教育市民要喺公共交通上戴口罩，同時加強檢查司機有冇戴口罩。
尹部長指：「通過呢啲政策，我哋期待公共交通內嘅感染個案會歸零，市民可以放心坐巴士、的士。」
佢補充，對於公共交通嘅通風問題仍然研究緊。
小編都希望對策實施之後，可以減少交通工具內感染嘅機會。
✨馬上Follow我哋IG
instagram.com/creatrip.hk
其他延伸閱讀 | |
 韓國獵巫風氣 |  韓國酒吧爆感染 |