令韓國人驚訝嘅香港

維基百科

Hello，大家好，我哋係由韓國人話你知每日最新韓國資訊嘅Creatrip。

#香港 #香港人
#韓國 #韓國人 #香港真係好靚
#唔講唔知 #10個趣有幾趣

唔知香港對大家嚟講係一個點嘅地方呢？

韓國人覺得香港好有魅力，係一個多姿多彩嘅城市，唔知大家又認唔認同呢？

可能好多嘢對於香港人嚟講，見慣咗冇乜特別，但韓國人嚟香港嗰陣，有啲地方會覺得好神奇同驚訝。

到底有啲咩？大家就要繼續睇落去啦！

🤞🏻 Creatrip Youtube上線囉

✨馬上Follow我哋IG
instagram.com/creatrip.hk

🎈韓國代購服務

韓國人嚟度先知嘅香港

1. 地鐵車廂內嚴禁進食，但入閘後竟然可以買嘢食？

唔知大家有冇追開韓國綜藝呢？

小編好記得「爸爸！我們去哪兒？ 」有一集金聖柱同仔仔金民律一齊去到中環港鐵站。

因為太肚餓，所以想食少少嘢，點知兩次都畀職員發現，然後警告佢哋。

金聖柱覺得好無語，唔明地鐵明明唔畀食，但入咗站又有零食可以買。

唔知大家又有冇諗過點解會咁嘅呢？

2. 香港冷氣唔洗錢？

홍콩수요저널

曾經有一個韓國朋友跟住小編一齊夏天去香港。

因為天氣太熱，唔少商場都會開冷氣，韓國朋友一入到商埸就問小編，點解商場可以咁凍，冷氣費係唔係唔洗錢？

小編直到呢一刻都仲好深刻，可能韓國就算去到幾熱都好，冷氣都唔會開到好大。

對香港人嚟講，就好似慣咗，冇咩特別。

3. 香港雙層巴士同叮叮

홍콩수요저널

香港人主要交通工具可以話係搭巴士多，返工放工都一定會搭。

對韓國人嚟講，嚟到香港一定要坐呢一款雙層巴士同叮叮。

佢哋會覺得雙層巴士同叮叮好特別、好神奇，嚟香港一定至少要搭一次。

4. 搬運工人只著背心或者唔著

BBC

韓國係一個貪靚國家係人都知。

佢哋嚟到香港，如果見到搬運工人，只著背心或者甚至唔著衫，就會覺得好驚訝。

韓國無論去到幾熱都好，佢哋都唔會除哂衫通街走，因為佢哋會覺得好冇禮貌。

不過，喺香港土生土長嘅我哋，就覺得好正常。

5. 香港人唔太買珍妮曲奇

如果大家問韓國人嚟到香港一定要買咩？10個有9.5個都會答大家要買珍妮曲奇。

其實唔知由幾時開始，每次經過珍妮曲奇或者藥房都會見到好多韓國人排隊買。

韓國人都覺得好驚訝點解只見到自己同鄉或者外國人排隊，一個香港人都冇；甚至小編同韓國朋友講冇食過珍妮曲奇佢哋都唔信⋯⋯

香港人好似真係好少會買珍妮曲奇，反而買曲奇四重奏、帝苑餅店嘅曲奇仲多。

6. 同陌生人搭檯食飯

親子王國

相信大家都知，香港只要一放Lunch time，大家就會想快啲去餐廳攞位，好多時如果唔行快啲，就需要同其他人搭檯。

搭檯文化喺香港同台灣可能會見得比較多，但喺韓國真係一次都冇見過。

韓國人就算係自己一個食，都會坐2人或4人檯。所以佢哋嚟到香港，見到有人搭檯就會覺得好神奇。

今日先為大家介紹6個，韓國人嚟到香港會覺得驚訝同神奇嘅位。

唔知大家又點睇呢？又或者大家嘅韓國朋友嚟到香港，有冇覺得咩好神奇呢？

歡迎大家留言話畀我哋知。

🤞🏻 Creatrip Youtube上線囉

✨馬上Follow我哋IG
instagram.com/creatrip.hk

🎈韓國代購服務

其他延伸閱讀
韓星YouTuber	韓星香港拍攝地