大勢偶像遭爆前往梨泰院
柾國、車銀優、在玹、珉奎4月底去過梨泰院！公司聲明：檢疫呈陰性，反省中
Hello，大家好，我哋係由韓國人話你知每日最新韓國資訊嘅Creatrip。
梨泰院集體感染至今兩星期，今日，韓媒Dispatch爆料喺四月底，有四個大勢偶像喺梨泰院聚會。
四間所屬公司都已經就事件發表聲明。
Creatrip為咗關心韓國嘅朋友，會持續更新相關新聞（點我）。
大家唔需要太過擔心同緊張，記住出門口一定要戴口罩同勤洗手！
［更新］（5月19號）銀優、在玹分別發手寫信道歉。
✨馬上Follow我哋IG
instagram.com/creatrip.hk
藝人遭爆前往梨泰院
來源：스타뉴스
根據韓國媒體《Dispatch》爆料指出，Kpop界四位97年出世嘅大勢偶像，韓國連假開始，04月25晚到26號凌晨，去過梨泰院。
當時韓國疫情雖然稍微緩和，但仍未解除「社交距離限制」。
《Dispatch》指出，當日四位去咗梨泰院號藝人有BTS柾國、Astro車銀優、NCT在玹、Seventeen珉奎。
來源：SM Ent.
後嚟隨住梨泰院夜店傳出集體感染，防疫本部呼籲四月底連假開始（4月24號至5月6號），去過梨泰院嘅人務必接受檢查，減少外出，預防潛在風險。
來源：Dispatch
《Dispatch》表示，四人都有接受新冠肺炎診斷檢查，結果呈陰性，但潛伏期至少有兩星期（至05月10日）。
除咗冇公開行程嘅柾國及珉奎，銀優同在玹都有出演電視節目同錄影。
目擊者（無照片，只有發言）表示自己同呢啲藝人喺同一個地方，雖然檢疫結果呈陰性，但都留咗喺屋企兩星期冇出街，而呢啲藝人就好似咩事都冇發生過。
來源：한경닷컴
柾國所屬社Big Hit經紀公司已確認相關事實，確認柾國當時有去到梨泰院嘅餐廳與酒吧（BAR），但冇去過梨泰院發生集體感染嘅夜店。
誠心向大家致歉，而柾國都為自己行為反省中。
NCT在玹所屬公司SM娛樂、銀優所屬公司Fantagio同Seventeen珉奎所屬公司Pledis都分別回應，確認真有其事。
兩人檢查結果雖為陰性，但喺當局維持社交距離限制期間，未有遵守社會規範，會為自己嘅錯誤行爲反省。
呢條新聞係今朝出完，但多數南韓網友《Dispatch》爆料抱持住反對意見，認為一張相都冇，只有目擊者發言，可信度唔高；
更有網友指，呢四個人出現喺梨泰院應該會造成轟動，點可能到而家先會被爆料？
不過，目前四位嘅所屬公司都已發表聲明，證實事件，希望佢哋都可以從中汲取教訓。
備註：為咗維持報導中立，Creatrip會隨時跟進後續事件。
✨馬上Follow我哋IG
instagram.com/creatrip.hk
| 其他延伸閱讀 | |
 首爾推匿名篩檢 |  弘大夜店爆確診 |
