梨泰院感染受控？
梨泰院感染已受控？本土新增病例降至個位數 防疫當局：需提防2次至4次感染
來源：연합뉴스
Hello，大家好，我哋係由韓國人話你知每日最新韓國資訊嘅Creatrip。
梨泰院夜店爆出第一個感染者至今，潛伏期就快結束，但仍然唔可以大意。
截至今日，夜店相關感染者已達168名，因夜店感染而造成嘅第二代至第四代接觸感染可能仲會持續發生。
Creatrip為咗關心韓國嘅朋友，會持續更新相關新聞（點我）。
大家唔需要太過擔心同緊張，記住出門口一定要戴口罩同勤洗手！
✨馬上Follow我哋IG
instagram.com/creatrip.hk
梨泰院感染現況
截至今日，梨泰院夜店相關感染者已有168名。
今日全韓國新增病例13宗（5單梨泰院感染、1單地方感染、7單海外傳入）。
梨泰院夜店嘅感染狀況，以地區分布嚟睇，首爾93人、京畿道33人、仁川23人，佔咗最多，其餘地方城市都有零星案例發生。
按感染途徑嚟睇，去過夜店嘅感染者佔咗半數以上，有89人（52%），而其餘79名就因接觸過去咗夜店嘅人而受感染。
感染者年齡以20代（19至29歲）佔多數（102人），性別比例就以男性136人佔咗八成。
另外，韓國總統文在寅喺今日發表文章表示，目前韓國嘅病例新增數量再次下降到10幾個，而呢兩日嘅本土案例都降至個位數（今日只有6例本土案例新增）。
韓國再次展現優秀嘅防疫體系，而國民亦提供好大幫助。
雖然喺初期，各界都相當恐慌，恐怕會再度重演新天地嘅集體感染，但人民同地方政府反應同先前相比，已變得相當快。
即使今次感染潮中有返教會、喺客服中心工作嘅人，但就冇重演集體感染事件，係相當有意義嘅轉變。
文在寅總統最後表示，韓國喺今次嘅危機入面，實踐咗戴好口罩、保持社交距離嘅防疫守則。
來源：NEWSIS
中央防疫本部認為，梨泰院夜店嘅造訪者大部分就快完結潛伏期，但第二代至第四代嘅接觸感染，可能仲會繼續發生。
雖然已掌握大部分梨泰院夜店確診病患嘅接觸者（第二代），但好難話已經可以完全放心。
來源：연합뉴스
截至今日，已有兩單第四代接觸感染案例。
代表如果防疫反應遲緩，冇迅速掌握、管理確診者接觸過咩人，未來感染者人數會好似新天地教會感染一樣，成千倍增長。
✨馬上Follow我哋IG
instagram.com/creatrip.hk
| 其他延伸閱讀 | |
 韓國獵巫風氣 |  弘大酒吧爆感染 |
