Hello，大家好，我哋係由韓國人話你知每日最新韓國資訊嘅Creatrip。
韓國喺5月6日宣布一個令人振奮嘅好消息：只有2單境外傳入嘅確診病例，韓國國內本土新增病例無新增。
Creatrip為咗關心韓國嘅朋友，會持續更新相關新聞（點我）。
大家唔需要太過擔心同緊張，記住出門口一定要戴口罩同勤洗手！
✨馬上Follow我哋IG
instagram.com/creatrip.hk
韓新增病例創新低
來源：NEWS1
韓國疫情爆發75日以嚟，終於喺4月30號，第一次韓國境內出現「0本土感染」。
到5月6號韓國已再連續兩日無任何新增病例。
同時，病患新增數再創新低，最新號防疫例行新聞會上宣布新增確診只有2單，而且都係境外傳入嘅個案。
由6號開始，長達45日嘅「2公尺社交距離」限制放寬，轉向「生活防疫」。
同時，當局宣布韓國各級學校嘅開學日期，同特定行業嘅復工日期。
來源：chosun
以中央防疫對策本部資訊為準，自04月18日後，每日新增患者都喺20人以下，而且多數係境外傳入個案。
本土社區感染嘅現象已經緩和，相信係三月中開始實行嘅「社交距離」措施起到作用。
為咗阻止疫情再次擴散，韓國當局除咗下令保持社交距離外，亦要求商家自我管理，減少人群聚集嘅情況。
防疫統籌協調官表示：呢一切都係國民「保持社交距離」同防疫本部一同達成嘅成果。
來源：연합뉴스
統籌官強調，解除「2公尺社交距離」並唔係等於可以番到疫情出現前嘅日常生活，而係為咗保障生活同社會經濟先慢慢放緩。
每位國民都要喺生活中繼續努力防疫。
另外，一再推遲嘅開學日期，終於有消息。
高三最先喺5月13號開學；高二、國三、小一、小二、幼稚園學生5月20號開學；
高一、國二、小三、小四學生5月27號開學；最遲係國一同小學高年級，會喺6月1號開學。
韓國教育部長（中央日報）
雖然防疫本部長表示，學校發生集體感染嘅可能性唔大，但仍然存有風險。
所以要求學校喺開學之後，如果學生出現症狀，就要立即停止上堂、就醫。
校園入面都會做好防疫措施。
✨馬上Follow我哋IG
instagram.com/creatrip.hk
| 其他延伸閱讀 | |
 港韓隔離比一比 |  首爾亮燈表謝意 |