韓97歲確診者出院
克服18％嘅高齡感染死亡率…韓國97歲老奶奶確診新冠肺炎，只用12天就可以康復出院！
來源：NEWSNACK
Hello，大家好，我哋係由韓國人話你知每日最新韓國資訊嘅Creatrip。
＃武漢肺炎＃韓國新聞
＃最高齡患者＃出院
韓國嘅新型冠狀肺炎確診病例，目前已經突破9千個。
雖然數字龐大，但有超過50%嘅確診者好番，都令人稍微放心啲。
日前，有一位患者治癒出院，只係用咗12日時間，而佢亦係目前為止韓國最高齡嘅感染者。
Creatrip亦為咗要嚟韓國旅行嘅大家著想，會持續更新相關新聞（點我）。
大家唔需要太過擔心同緊張，記住出門口一定要戴口罩同勤洗手！
✨馬上Follow我哋IG
instagram.com/creatrip.hk
韓97歲感染者出院
截至今日（29日）夜晚8點為止，韓國嘅死亡病例去到154單，整體死亡率有1.61%。
其中，80歲以上嘅不治病例最多、死亡率最高，有18%。
來源：NEWSNACK（黃英珠奶奶）
03月13日，本次疫情重災區嘅慶尚北道，有位高齡97歲嘅婆婆：黃英珠（황영주音譯）確診感染新型武漢肺炎，刷新先前93歲感染者嘅最高齡感染記錄。
據推測，她係喺老人保護中心被感染。
她同樣都係高齡嘅73歲兒子表示，平時母親都喺老人保護中心過得非常開心、幸福，而中心啲職員也好似對待親生媽媽一樣對佢。
確認感染後，自己同中心主任通電話，兩個人都緊張到喊。
來源：NEWSNACK
顧慮到黃英珠係大韓民國最高齡患者，為怕醫療資源不足，慶北政府將佢送咗去設浦項醫院，接受集中治療。
好彩嘅係，黃英珠除咗低燒之外，冇其他症狀，但為咗保險起見，經過12日嘅隔離與治療，最終喺25日當日，確認好番。
來源：NEWSNACK
身為韓國最高齡嘅新冠肺炎感染者，黃英珠出院後透過兒子感謝醫護人員。
佢更表示：「係想重返原本幸福生活嘅意志，救番我。」而黃英珠亦成為韓國目前最高齡嘅痊癒者。
克服咗韓國80歲以上高達18%嘅死亡率，黃英珠呢一次抗疫好似一個奇蹟一樣，只用咗12日就確認痊癒。
✨馬上Follow我哋IG
instagram.com/creatrip.hk
| 其他延伸閱讀 | |
 感染者的一封信 |  大邱感人的父女 |
