韓國發放災難救助金
經濟重創，韓國政府發放救助金！首爾每戶最高可拎50萬韓元(3,100港幣)，京畿每人派10萬韓元
Hello，大家好，我哋係由韓國人話你知每日最新韓國資訊嘅Creatrip。
＃韓國新聞＃補償金
＃政府救助金＃災難金
全世界每個地方都因為新型疫情影響，經濟大為衰退。
韓國嘅疫情由二月中起大量爆發，雖然而家已經初步控制到，但全韓國嘅民生都受到好大影響。
緊急對策上除咗防疫之外，點樣挽回衰退嘅經濟產業，都係現任政府、各級自治團體嘅首要目標。
Creatrip為咗關心韓國嘅朋友，會持續更新相關新聞（點我）。
大家唔需要太過擔心同緊張，記住出門口一定要戴口罩同勤洗手！
✨馬上Follow我哋IG
instagram.com/creatrip.hk
京畿道將發放救助金
來源：京畿道政府
韓國史上第一次，京畿道無審查向全體京畿道市民派「災難基本收入」。
每人可以拎到10萬韓元（約港幣628元）嘅地方貨幣（Coupon形式）。
截止2020月二月底，京畿道人口係1,326萬5千多名。呢個計畫將支出超過1兆3千多萬韓元（約台幣308億元）。
呢筆發放金係希望達到家庭支援效果，同時增加企業個體戶嘅銷售額。
因為相關金額過於巨大，京畿道政府動用咗災難管理基金、救助基金，甚至係汽車購買債券同信用小額貸款嘅支援費用。
京畿道知事表示，雖然想提供支援畀京畿道嘅企業同居民，但財源不足，又冇徵稅決定權，就算將災難救助基金集合起嚟，最多一人也只能給到5萬韓元。
所以動用咗其他資金，希望可以有成效。
首爾支付災難生活費
來源：首爾市政府
昨日（24日），首爾市議會通過因為疫情影響而生活困難嘅受災階層，可以申請補貼生活支出、以家庭為單位嘅基金（一共大約8,619億韓元）。
首爾市政府預計會有117.7萬戶家庭符合緊急支援條件（收入喺中等收入100%以下嘅191萬戶家庭，並扣除已得到相關補助嘅73萬幾戶）。
收入位於中等收入以下嘅族群主要包括：低收入層勞工、個體戶（自營商店）、打工仔、freelance、建築工人、日薪工人等。
1至2人家庭可以獲得30萬韓元補助，3至4人係40萬韓元，5人以上就有50萬韓元。
除此之外，首爾市政府會提供低收入族群消費券，同埋兒童優惠券補貼（Coupon形式），預計會用1,663億韓元。
忠北提供緊急生活費
來源：忠清北道
忠清北道針對收入位於中等收入100%以下嘅低收入嘅居民（大約23.8萬戶），提供40萬至60萬韓元嘅一次性商品券（Coupon形式）。
根據統計，大約3戶入面就有1戶符合發放資格。
計算方式係：1人家庭月收入低於175.7萬韓元、2人家庭月收入低於300萬韓元，可拎40萬韓元嘅商品券；3人家庭月收入低於387萬韓元、4人家庭月收入低於474萬韓元者，會派50萬韓元嘅商品券；超過5人以上嘅家庭，就會派60萬韓元。
成個世界都被病毒影響，希望可以早日恢復正常，亦希望受到重創嘅韓國，可以早日擺脫疾病嘅陰霾。
✨馬上Follow我哋IG
instagram.com/creatrip.hk
| 其他延伸閱讀 | |
 首爾發布警報 |  港韓隔離比一比 |
