Creatrip: 韓國入境全面管制

來源：연합뉴스

Hello，大家好，我哋係由韓國人話你知每日最新韓國資訊嘅Creatrip。

＃武漢肺炎＃韓國新聞
＃特別審查程序＃入境
＃入境韓國＃所有人適用

隨住武漢肺炎（新型冠狀病毒）由亞洲蔓延至到美洲、歐洲等地，韓國政府實施新嘅管制措施。

Creatrip為咗關心疫情嘅朋友，會持續更新相關新聞（點我）。

大家唔需要太過擔心同緊張，記住出門口一定要戴口罩同勤洗手！

韓國擴大入境管制

大型電子航班顯示板顯示航班時間和資訊 來源：KBS NEWS

原先只有部分國家嘅人入境韓國，需要進行特別入境管制，一一接受檢查，確認有冇發燒、咳嗽、喉嚨痛等症狀。

同時，佢哋並安裝「自我診斷APP」，並提交喺韓國住嘅地址、電話號碼等等。

不過，最近幾日之內，去完國外番嚟韓國嘅韓國人有6個確診，加上由歐洲入境韓國嘅有16例、中國入境韓國啲有14例、其他亞洲國家則都有14例。

仁川國際機場航廈內部景觀，商店和遊人

所以，南韓政府決定增加入境管制，由03月19日0時起，將原本受入境管制嘅特定國家範圍擴大至全世界，將所有入境者名單通報畀地方自治團體。

之後，再會喺入境者入境後2星期內確認佢有冇武漢肺炎症狀。

以03月16日為準，入境南韓嘅人有1.3萬幾位，其中行特別入境嘅人就有2千幾位。