大邱退回新天地捐款
拒收！新天地捐120億韓元，大邱全數退回！市長：「新天地唔應該捐錢，而係要信徒配合檢驗」
Jeongyeong Yeo
5 years ago
Hello，大家好，我哋係由韓國人話你知每日最新韓國資訊嘅Creatrip。
＃武漢肺炎＃韓國新聞
＃20200306＃新天地
＃捐款＃大邱市長拒收
尋日（5日）新天地教會突然捐120億韓元畀社會福利共同募捐會（사회복지공동모금회），引起韓國社會一片譁然。
今日（6日）大邱市長權泳臻（권영진）發布記者會表示，會退番該筆捐款，再度引起熱議。
Creatrip為咗關心疫情嘅咁多位著想，會持續更新相關新聞（點我）。
咁多位亦唔需要恐慌，不論喺邊度都記得戴好口罩、勸洗手！小編會繼續更新消息。
✨馬上Follow我哋IG
instagram.com/creatrip.hk
大邱市退回新天地捐款
新天地教主 李萬熙（연합뉴스）
新天地教會尋日大動作捐款120億韓元（7800萬港幣），引起韓國社會一片譁然。
有人開始質疑點解區區一個教會，喺24個鐘之內就能有如此龐大嘅資金流動。
加上捐款一事，模糊新天地教會未交齊名單、部分人唔配合防疫嘅焦點。
大邱市長喺記者會上表示：決定唔接受存入社會福利共同募捐會大邱分會嘅100億韓元、捐往中央會嘅20億元都會拒絕。
大邱市長 權泳臻（연합뉴스）
社會福利共同募捐會透過發言人表示，因為新天地教會未經事前商議，就進行大額捐款，
考慮到武漢肺炎（新型冠狀肺炎）嘅道義，以及法律上嘅敏感情況，會將呢筆捐款退回。
大邱市長再指出，唔少已確診嘅新天地教徒由前一日開始，就以各種理由拒絕進入生活治療中心；
比起政府嘅防疫措施，教徒們似乎更聽教會嘅說話，甚至有人拒絕診斷，為新冠防疫帶嚟不便。
新天地教會應該要做嘅唔係捐款，而係同大邱市、韓國政府一同齊心抗疫。
✨馬上Follow我哋IG
instagram.com/creatrip.hk
| 其他延伸閱讀 | |
 韓國教會文化 |  新天地捐款助韓 |
 疫情下的韓國 |  舊時首爾回顧 |
熱門文章
