封鎖TK（大邱‧慶北）？
將最大限度封鎖大邱、慶北？南韓執政黨發言惹議，文在寅親上場改口「係阻絕疫情傳播」
연합뉴스
哈囉，大家好，我哋係由韓國人話你知每日最新韓國資訊嘅Creatrip。
＃武漢肺炎＃韓國新聞
＃大邱＃慶北＃封鎖討論
＃20200225＃未確定
韓國疫情中心集中喺大邱、慶北（TK），而今日朝早執政黨發言人竟出現封鎖呢啲地區相關消息，即使南韓總統親自上場滅火，但仍然控制唔到緊張氣氛，到底係咩一回事呢？
Creatrip亦為咗關心疫情嘅各位著想，將持續更新相關新聞（點我），大家唔需要太擔心，只要記得戴好口罩同勤洗手就好！
小編會每日為大家更新消息，請大家密切留意！
✨馬上Follow我哋IG
instagram.com/creatrip.hk
封鎖TK（大邱‧慶北）？
연합뉴스
今日（25日）朝早，南韓韓國國會第一大黨同執政黨：共同民主黨（簡稱民主黨）、文在寅政府、青瓦臺舉行協商，會議結束之後，民主黨發言人表示：大邱、慶北地區指定成為「傳染病特別管理地區（감염병 특별관리지역）」，決定實行最大限度封鎖措施，以儘快阻止擴散。
此話一出，媒體再度詢問詳細封鎖政策係點？
但政府發言人只表示，而家研究利用行政資源以（限制）移動，如果有相關具體內容，將會由政府發表。
發言經媒體播放之後，引發諸多輿論，其中包含同黨TK（大邱‧慶北）共同選舉對策委員長痛罵，表示請勿發表令人誤會封鎖言論、不加思索嚴刑。
而南韓喺野黨更發表聲明，譴責相關發言，認為呢類「封鎖（봉쇄）」言論無疑傷害大邱、慶北居民。
其他地區發言人更表示，唔先封鎖中國人入境南韓，但就先封鎖TK（大邱‧慶北）？
연합뉴스
為此，文在寅總統更親自訪問疫區大邱，親自上場滅火，表示相關封鎖說法，並唔係封鎖地區，而係最大限度阻絕疫情傳播（전파）同擴散（확산）。
即使相關消息已由高層出面滅火，但封鎖TK一話仍然令好多人感到不安。
韓國學者指出：而家韓國因為疫情而感到不安，政府訊息管理比任何時候都重要，一旦發表，就算日後改口、推翻說法，亦一樣會引起唔信任同混亂。
✨馬上Follow我哋IG
instagram.com/creatrip.hk
| 其他延伸閱讀 | |
 台韓航線大變動 |  健保警示增韓日 |
 韓上調危機警報 |  韓進入社區感染 |
