Creatrip: 全面篩檢2.8萬大邱市民

연합뉴스

Hello，大家好，我哋係由韓國人話你知每日最新韓國資訊嘅Creatrip。

＃武漢肺炎＃韓國新聞
＃20200224＃大邱

現今，韓國武漢肺炎（新型冠狀肺炎）病例集中喺大邱、慶北一帶，隨住感染人數越嚟越多，除咗文在寅政府宣布全韓進入危機警報最高警戒之外，也有其他相應措施。

Creatrip為咗嚟韓國旅行嘅咁多位著想，將持續更新相關新聞（點我）。

咁多位唔需要恐慌，記得戴口罩、勸洗手！小編會繼續更新消息。

大邱將全面檢查

大邱，一羣穿著防護服的醫護人員站著，旁邊有救護車和大廈的外牆，提醒著受COVID-19疫情影響的大邱情況。 연합뉴스

韓國有一個警察，喺2月15日至17日三日期間，去大邱探望岳母，喺23日檢查後確認感染，今日（24日）緊急隔離。

由此可知，大邱嘅武漢肺炎疫情相當嚴重。

尋日，文在寅宣布韓國嘅危機警報升高至最高等級，並將通過新冠狀肺炎修正三法。

政府亦表示，由今日起嘅兩星期內，全面篩檢有武漢肺炎相關症狀嘅2.8萬大邱市民。

室內一名穿著警察制服的人用温度計為另一位穿著黑色外套的人測量體温，這是韓國疫情期間的防控措施之一。 국민일보

除咗發生集體感染而要全體調查嘅9千幾名新天地教會教徒之外，其餘2.8萬名屬於高風險嘅大邱市民，如果有出現感冒症狀，就需要接受詳細檢疫。

相關發言人表示，兩星期內會為3.7萬名民眾檢查。如果確認係患者，就會立刻治療。