韓國免稅店營業變動
嚟韓注意！防範武漢肺炎，韓國免稅店全跟進！樂天免稅店、新世界免稅店今日起提前閂門
Hello，大家好，我哋係由韓國人話你知每日最新韓國資訊嘅Creatrip。
＃武漢肺炎＃韓國新聞
＃20200204＃免稅店
＃樂天免稅店＃新羅免稅店
＃新世界免稅店＃營業變更
武漢肺炎疫情持續升溫，東亞各國疫情突破10例以上，日本更係亞洲病例數最高。
隨住病例數增加，韓國都推出咗相應措施，例如免稅店停止營業、更改營業時間等等，近期嚟韓嘅旅客要多注意。
Creatrip為咗嚟韓旅行嘅各位著想，將持續更新相關新聞（點我），咁多位唔洗恐慌，記得戴好口罩！小編會繼續更新消息。
20200206更新
新羅免稅店首爾店、濟州店，同樂天免稅店濟州店，將喺02月07日起恢復營業。
20200207更新
樂天免稅店因為確認有患者去過，即日起停業到02月09日，02月10日起正常營業。
✨馬上Follow我哋IG
instagram.com/creatrip.hk
韓國免稅店變更營業時間
隨住首爾嘅新羅免稅店，濟州島嘅新羅免稅店、樂天免稅店因武漢肺炎病例曾經去過，造成顧客同員工恐慌，為咗有效防疫，上述三間韓國免稅店會喺呢兩日開始臨時停業（02月07日起恢復營業）。
雖然其他免稅店目前未受影響，但因為武漢肺炎疫情升溫，免稅店銷售額減少，好多免稅店開始更改營業時間。
例如原本每日開到夜晚21:00嘅樂天免稅店，由今日（02月04日）起，明洞本店、蠶室樂天塔店、COEX店、釜山店嘅營業時間將更改到18:30完。
至於新世界免稅店都將明洞店、江南店、釜山店嘅營業時間，由原先嘅09:00到20:30，調整到18:30閂門，同樂天免稅店同步；而龍山站嘅HDC新羅免稅店，都係18:30閂門。
目前現代百貨仍然討論緊，唔排除會有類似措施。
唯一確定嘅係機場出境區域免稅店、仁川機場免稅店都係正常營業。
大家唔需要過度驚慌，上述免稅店提前閂門並係因為有病例患去過，而是為咗減少因恐慌效應造成嘅銷售額下跌嘅成本。
近期喺韓國想行免稅店嘅朋友，也多多留意營業時間啦。
✨馬上Follow我哋IG
instagram.com/creatrip.hk
| 其他延伸閱讀 | |
 梨大校園禁參觀 |  新世界免稅優惠 |
 明洞南道小吃 |  超市百貨公休日 |
 高速巴士地下街 |  美食一條街整理 |
