韓國炸雞民調排名
韓國炸雞滿意度調查！八大炸雞品牌「橋村炸雞」竟然係最尾，CP值遭評史上最低分？而榜首係...？
Jeongyeong Yeo
5 years ago
Hello，大家好，我哋係由韓國人每日提供最新韓國旅行資訊嘅Creatrip。
韓國炸雞可以話係有無數咁多間，但到底邊啲品牌，先係真正受到大家喜愛嘅呢？所以！韓國進行咗滿意度調查，喺「連鎖炸雞品牌」中排行第一名會係邊嗰呢？而最後一名……竟然係觀光客最愛嘅橋村炸雞。究竟發生咩事導致到有咁嘅結果？咁大家就要一齊繼續睇落去啦。
韓國炸雞滿意度調查
韓國消費者院對八間市占率超高嘅連鎖炸雞店顧客進行調查，樣本數大約1,600名，信賴區間為95%，誤差為±2.5%，算係非常精準。
呢八間炸雞店分別為BBQ、BHC、橋村炸雞、Goobne炸雞、NeNe炸雞、起家雞、Pelicana、hosigi兩隻炸雞等，最終結果如下。
| 品牌 | 綜合分數 |
Pelicana | 3.79 |
起家雞 | 3.77 |
NeNe | 3.73 |
hosigi | 3.71 |
Goobne | 3.69 |
BBQ | 3.63 |
BHC | |
橋村炸雞 | 3.56 |
究竟點解橋村炸雞會係綜合排名中位於最後？因為佢喺五個類別評分中，竟然拎咗4個最後一名；分別係消費品質、性價比、顧客諮詢與情報、好感度；唯一無拎車尾嘅係美味程度，拎咗倒數第二（哈哈）。
係唔係好驚奇呢？觀光客最愛嘅橋村炸雞，竟然係韓國消費者當中評分會係咁低。
咁我哋再睇吓各區間榜首嘅炸雞店啦。
| 評分項目 | 榜首品牌 |
| 消費品質第一 | Pelicana 3.93 |
| 美味程度第一 | Pelicana、起家雞 3.91 |
| 性價比第一 | hosigi兩隻炸雞 3.84 |
| 顧客諮詢與情報第一 | Goobne炸雞 3.5 |
| 好感度第一 | 起家雞 3.7 |
觀光客喜愛嘅BHC、橋村、NENE炸雞都係out！
呢個結果唔知大家又意唔意外，小編亦整理出吊車尾嘅品牌。
| 評分項目 | 吊車尾品牌 |
| 消費品質最後 | 橋村炸雞 3.75 |
| 美味程度最後 | hosigi兩隻炸雞 3.76 |
| 性價比最後 | 橋村炸雞 2.93 |
| 顧客諮詢與情報最後 | hosigi兩隻炸雞 橋村炸雞 3.31 |
| 好感度最後 | 橋村炸雞 3.51 |
果然係本地人同觀光客嘅差別啊……但大概亦因為韓國人食過嘅炸雞次數，都比旅客多，所以評分上會更為客觀，同時加咗好多外賣時因素，造成呢類影響。
大家之後嚟韓國嘅時候，不妨都試吓韓國人票選第一名嘅炸雞品牌啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
熱門文章
