韓國而家興搵一日女友？
而家唔止玩dating app仲開始租一日男/女友？點解會出現呢個現象？
Hello，大家好，我哋係由韓國人每日提供最新韓國旅行資訊嘅Creatrip。
最近日本好興租一日男友，唔知大家有冇睇過相關影片呢XD 適逢最近韓國櫻花季，而家連韓國都開始出現搵一日男/女友嘅現象，到底大家搵呢種人嘅時候有咩條件，專家又覺得點解會出現呢種現象？
韓國一日男/女友
早前有個37歲嘅韓國男人喺某個論壇搵緊一日女友陪自己去睇櫻花，佢自稱係A0，話想喺人生中最少有一次櫻花盛開嘅時候係同異性一齊度過。
네이트뉴스
佢首先公開咗自己嘅年齡身高體重，然後話希望搵到個20-39歲嘅未婚女性喺4月6號/7號陪自己去汝矣島附近同漢江公園睇櫻花同食餐飯，而報酬就會係₩160,000（約160000），姐係一個鐘大約₩20,000（20000），再包埋lunch+dinner+cafe錢。
佢亦都強調會寫合約，更加提供埋接送服務，除咗人太多嘅時候可能會之外亦絕對唔會有身體接觸，如果唔係嘅話可以吿佢。
TV리포트
另外仲有唔少人喺二手買賣平台同各大討論區搵緊一日男/女友，更加要求申請人send年紀同MBTI等等嘅個人資料俾佢。有唔少網友留言話點解唔直接去相體，可能仲可以遇到命中注定嘅另一半；亦都有網友表示日本一日男/女友每個鐘可以收到₩50,000~100,000，喺韓國先值₩20,000，唔係好抵做XD
헬스조선
有專家表示呢個現象反映出韓國人同日本人都開始放棄結婚/生育，所以比起搵真正嘅另一半，只會追求短暫嘅幸福體驗。實際調查數據顯示，韓國年輕人當中有超過一半都冇計劃過要結婚或者生仔，當中有拍拖計劃嘅人居然先佔35.8%。
서울경제
就係因為咁，所以韓國嘅出生率先會跌到全球最低，不過一切歸根究底都係因為人工同物價加幅完全唔成正比，先會導致呢個局面。
不過講開又講，如果大家喺韓國嘅話，又會唔會申請一日男/女友呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
