logo

血腸食法各地都唔同?

大部份遊客都唔鍾意食血腸?每個地區食法都唔同,你又係邊一派?

이신유
2 years ago

Hello,大家好,我哋係由韓國人每日提供最新韓國旅行資訊嘅Creatrip


韓國人之間,成日有好多會引起大家爭相討論嘅事,就好似糖醋肉嘅汁係會點嚟食,定係直接淋喺肉上面食呢?不過韓國咁大,其實唔同地區都有唔同食法,今日就想同大家吓「韓國血腸食法」。唔知大家又鍾唔鍾意食,或者如果鍾意又會點食呢?



韓國各地血腸食法


캠퍼스잡앤조이


淨係睇上面張圖,就可以睇到韓國嘅血腸食法,竟然分咗五種咁多,究竟呢五種食法有咩分別?小編帶大家一探究竟。



其實唔同地區食血腸點嘅醬都會唔同,小編曾經聽韓國朋友講,自己細細個喺鄉下就有點特定嘅,去到第二個城市食血腸嘅時候,因為點嘅醬唔同而覺得有文化衝擊。



就好似江原道同忠清道嘅人,佢哋普遍係點蝦醬嚟食。蝦醬本身嘅鹹味同鮮味可以將血腸嘅腥味完美遮住;另外濟州島地區就會點豉油或者芥末嚟食,係唔係好新奇呢?


11번가(首爾、京畿)


首爾同京畿道(首都圈)好多時都係點鹽同辣椒粉嚟食,咁樣食更加可以食得出血腸嘅原味,不過好多遊客亦都因為太腥而唔敢食。




11번가(全羅道)


全羅道(大邱、釜山)就會點韓式醋醬居多,醋醬食起嚟唔辣亦唔會太酸,好適合配魚生嘅醬料。如果係點血腸嘅話可以將腥味遮過,而且超好味。




11번가(慶尚道)


上圖係慶尚道嘅食法,以點大醬居多,甚至仲有醬料加雪碧、蒜泥、砂糖嘅組合?小編自己試過之後,都係最鐘意點包飯醬,甜味可以令血腸食起嚟冇咁恐怖。



11번가(全韓國)


點辣炒年糕嘅醬汁嚟食係全韓國人都會咁做,微辣嘅年糕醬,無論係點炸物定係血腸都係絕配,亦都係成為統一南韓嘅口味。


以上就係韓國各地嘅血腸食法介紹,相信嚟首爾旅行嘅大家,應該絕大部分都淨係試過點鹽嚟食,亦都難怪味道會咁腥,令大家唔敢試。不過如果之後有機會去其他城市,可以睇下當地人係點食血腸,好食嘅程度都係取決於個人取向,亦都可以嘗試下唔同嘅醬料,揀出自己最鐘意食嘅口味。


  代叫外賣「血腸湯飯」



如果有更多想知嘅內容,都可以隨時留言或者dm話俾我哋知:)

 Instagram:creatrip.hk

 Facebook:Creatrip 帶你認識韓國每一面

 韓國代購

熱門文章

LoadingIcon
熱門文章