Hello，大家好，我哋係由韓國人每日提供最新韓國旅行資訊嘅Creatrip。
如果你係12月到第二年2月嚟韓國，啱啱撞正韓國最凍嗰段時間，雖然天氣凍，但除咗有機會睇到大雪，仲可以一齊參加冬季限定嘅慶典玩返轉，同親朋好友一齊留低難忘嘅冬日回憶。
小編幫大家整理咗2026年到2027年最新嘅韓國冬天慶典資訊，快啲bookmark定，準備下你嘅行程啦。
海雲台燈節（海雲台燈光節）
- 日期：2026年11月下旬至2027年1月下旬
- 地點：海雲台海水浴場
- 地址：釜山廣域市海雲台區海雲台海邊路 280
[圖片滑動] 
釜山海雲台每逢年尾，都會搞大型燈會，由海雲台站行出去海雲台海水浴場，沿途都佈置咗一大堆燈飾，真係好靚。除咗海雲台有燈會，釜山其他商圈好似西面、南浦洞一帶都同樣有燈會，令冬天嘅釜山多咗份節慶氣氛。
休愛裏山茶花慶典（休愛裏自然生活公園）
- 日期：2026年11月中旬至2027年1月底
- 地址：濟州特別自治道西歸浦市新禮洞路256
[圖片滑動相簿] 
想睇濟州冬季慶典嘅話，就一定要去「休愛裏山茶花慶典」，冬天山茶花開到勁靚，成個園區都係超人氣影相打卡位，啲花色夠曬鮮豔，就算冬天去濟州玩唔到水上活動，都一樣可以玩得好滿足。
首爾燈節（首爾燈籠節）
- 日期：2026年12月中旬至2027年1月下旬
- 地點：清溪川廣場
- 地址：首爾鐘路區瑞麟洞148
[圖片滑動展示] 
講到首爾最具代表性嘅冬季夜間慶典，就一定係結合傳統韓紙燈飾同現代光雕投影，把清溪川同光化門一帶變成夢幻光影長廊嘅「首爾燈節」。活動範圍由光化門廣場、清溪川廣場一路延伸到清溪川三一橋一帶，成排大型紙雕配合燈光秀，浪漫氣氛真係爆燈，超有冬日feel。
五色星光庭園展（오색별빛정원전）
- 日期：2026年12月上旬至2027年3月中旬
- 地點：晨靜樹木園
- 地址：京畿道加平郡上面草木裏山228-1
[圖片滑桿] 
首爾近郊嘅春川、加平，一到冬天成個景色都會變得有啲冷清，不過去到晨靜樹木園，特別係夜晚入場，就可以參加冬季限定嘅「五色星光庭園展」，超靚嘅燈飾佈置令夜晚嘅樹木變得更加華麗同夢幻。如果撞正落雪，仲可以睇到被白雪覆蓋嘅晨靜樹木園，一樣好有魔幻氣氛。
左右滑動睇更多行程 →
首爾聖誕慶典
- 日期：視乎各區安排而定
首爾由11月底開始就正式進入聖誕季，大概去到12月底，各區都會充滿浪漫又温馨嘅聖誕氣氛，打卡位真係多到數唔曬。由商圈店舖嘅裝飾，到百貨公司嘅整體佈置，首爾各大地標都會換上超大型聖誕裝飾，等你哋嚟影相打卡。
[網誌] 2026首爾聖誕打卡景點整理
青陽七甲山噴泉冰柱節（칠갑산얼음분수축제）
- 日期：2026年12月下旬至2027年2月中旬
- 地址：忠清南道青陽郡天長湖街223-35
位於青陽七甲山嘅阿爾卑斯村，每年都會搞大型嘅噴泉冰柱節，大家可以盡情欣賞冰柱噴泉、冰屋同各種冰雕，感受韓國冬天先有嘅魅力，亦都係好有在地特色嘅冬季慶典，成個感覺好似冰雪王國咁，仲可以玩到各種冰上活動。
[景點] 青陽阿爾卑斯村冰噴泉節＋冬季活動一日遊 | 首爾出發
太白山雪花節（태백산겨울축제）
- 日期：2027年1月下旬至2月上旬
- 地點：太白山
- 地址：江原道太白市血洞山87-2
市區落嘅雪好快就會溶，旅客未必滿足到，呢點唔使擔心。喺韓國咁多靚嘅山間雪景入面，江原道「太白山」嘅景色可以話係獨一無二，亦因此促成咗「太白山雪花節」呢個活動，可以講係最具代表性嘅冬季雪祭典，千祈唔好錯過。
[景點] 2025太白山雪花節/黃池蓮塘一日遊（首爾出發）
華川山鱒魚節（화천산천어축제）
- 日期：2027年1月9日至1月31日
- 地址：江原道華川郡山鱒魚街137
江原道華川郡係韓國入冬之後，最快結出厚厚冰層嘅地方。為咗俾大家享受冰釣樂趣，主辦方會喺山泉放入一至兩噸魚，除咗參加山鱒魚節去冰釣，仲可以喺滑溜溜嘅冰面玩冰上足球、雪橇等活動。
[景點] 2027 華川山鱒魚冰釣節／魚飛溪谷・九曲冰谷一日遊 | 首爾出發
平昌鱒魚節（평창송어축제）
- 日期：2027年1月
- 地址：江原道平昌郡京江路3562
除咗頭先介紹嘅華川冰釣，位於平昌嘅鱒魚節都係超人氣嘅冬季慶典。除咗冰釣之外，現場仲有各種冰上體驗，好似雪上泛舟、雪橇、泳池撈魚等等，真係幾好玩。如果你喺平昌鱒魚節釣到嘅魚，仲可以即刻拎去附近餐廳請店家代煮，然後即場食。
[景點] 平昌鱒魚節：冰上釣魚&雪地玩樂 | 首爾出發
以上就係小編幫大家整理嘅韓國冬季慶典，2026年尾到2027年初嚟韓國玩嘅朋友可以參考下，等你嘅冬季行程更加豐富。各位親估，我哋下次見。
如果你對文章內容有咩意見或者想查詢更多資訊，可以隨時喺留言區留言，亦可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。想知更多韓國最新資訊，記住follow埋我哋嘅Instagram同Threads啦！
